Auxiliary Bishop Labajo anha edistino sa Santo Rosario Parish

CEBU, Philippines — Bag-ong gitudlo nga Auxiliary Bishop sa Archdiocese of Cebu, Bishop Ruben Caballero Labajo, D.D anha idestino sa Santo Rosario Parish ning Dakbayan sa Sugbo.

Kini ang gikonpirmar mismo ni Labajo sa dihang nakahinabi sa DyRF1215/Banat News.

Matud pa ni Labajo, subay sa kabubut-on ni Archbishop Jose Palma, anha siya ibutang sa parokya sa Santo Rosario Parish uban sa iya unya nga team of pastors.

Sumala pa ni Labajo, karong umaabot nga October 19, 2022 sa alas dies sa buntag ang ilang installation uban sa iyang team of pastors ug assistant parish priest.

Usa ka santos nga misa ang himoon atol sa adlaw unya sa pagbutang ni Labajo sa parokya sa Santo Rosario sa mosunod nga semana.

Si Labajo ang kanhi team moderator sa team of pastor sa parokya ni San Francisco De Asisi sa Lungsod sa Balamban sa dihang wala pa siya gitudlo nga bag-ong auxiliary bishop sa Sugbo.

Nihimo usab ug thanksgiving mass si Labajo ngadto sa mga parokya nga iyang naserbisyohan sa dihang wala pa siya na Obispo. MEL (BANATNEWS)