^

Banat Balita

PCL-CEBU hingpit nga mosuporta sa programa sa DOT

Sanden J. Anadia - Banat

CEBU, Philippines — Gipasalig sa Philippine Councilors League – Cebu Provincial Federation nga mohatag og 100% nga suporta sa mga programa sa Department of Tourism.

Mao kini ilang pagsanong  sa namantala dinhi sa Banat News sa miaging adlaw  kalabot sa pagpangayo og suporta ni Tourism Secretary Christina Garcia Frasco  sa  PCL – Cebu Provincial Federation alang sa iyang mga programa .

Nagkanayon ang pangulo sa PCL-Cebu, Konsehal Ricardo “Kuya Nick” Pepito, sa Dakbayan sa Toledo nga  nasayod siya ug ang iyang kaubanan nga daku ang papel sa turismo alang sa kalamboan dili lang sa Sugbo, lakip na tibuok nasud.

“One hundred percent, the PCL-Cebu Chapter will fully support all the programs of the DOT. We are much willing and happy to work with them since we all know that tourism is one of the economic drivers in Cebu,” nagkanayon si  Pepito.

Dugang pa sa konsehal nga ang kadaugan sa tourism industry sa Pilipinas, kadaugan usab sa tanang Pilipino, ilabi na sa Sugbo kay maghatag man kini og daghang panginabuhian ug trabaho sa mga Sugboanon.

Kahinumduman nga gibasa ni Tourism Undersecretary Ferdinand Jumapao ang mensahe ni Frasco sa PCL-Cebu Chapter niadtong Septiyembre 28, 2022 atol sa pagsaulog sa PCL Week 2022 nga gipahigayon sa Waterfront Hotel sa dakbayan sa Sugbo.

Lakip sa nahisgotan niini ang pagpalambo sa imprastraktura sa turismo ug accessibility, pag-establisar o digital connectivity, ang pagpalambo sa kinatibuk-ang kasinatian sa turista, ang pagpaangay sa pagpalambo ug promosyon sa produkto sa turismo.

Apil na usab ang pag-maximize sa lokal nga turismo, ug pagpalig-on sa pagdumala niini pinaagi sa hugot nga pakigtambayayong sa mga local government units ug stakeholders.

“As we move forward, I will staunchly persevere to reach more LGUs, stakeholders, and tourism workers, because we want to build an industry that is inclusive and proactive – one that maximizes the full potential and significant contribution that each of you can bring to strengthen Philippine tourism,”nagkanayon si Frasco .

Matud pa ni Frasco nga ang mga LGUs maoy mag-una sa pagsiguro sa epektibo nga pagpatuman sa mga polisiya sa regulasyon sa turismo aron mapadayon ang sumbanan sa mga serbisyo nga ilang gihatag sa mga turista.

Kahinumdoman nga sukad nibukas og balik ang turismo sa nasud, ubay-ubay sa mga kompanya sa tourism industry ang nihatag usab og daghang trabaho ngadto sa katawhan. MEL (BANATNEWS)

DEPARTMENT OF TOURISM

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with