^

Banat Balita

40 ka sunog natala SUD sa duha ka buwan

Decemay Padilla, Rowena D. Capistrano - Banat

CEBU, Philippines — Sobra sa usa ka milyon ka pesos ang danyos sa sunog nga niulbo sa may Paseo Melisa, Maria Luisa Subd, Barangay Banilad ning Dakbayan sa Sugbo, Biyernes sa buntag.

Ang sunog naglambigit kini og residential nga gituohan iya ni Marcelino Co.  Nadawat sa kabomberohan ang maong sunog alas 10:18 sa buntag ug giisa lang kini sa 1st alarm. Alas 10:26 sa buntag hingpit nga napawong. Gibana-bana moabot ngadto P1.4 milyon ang danyos diin walay gikataho nga nakalas o naangol.

Matud pa ni Fire Officer 3 Fulbert Navarro, Investigator sa Cebu City Fire, partial lang ang maong sunog diin usa ka pamilya ang apektado o unom ka indibiduwal.

Dugang pa ni Navarro, ipaubos pa nila sa imbestigasyon ang hinungdan sa pag-ulbo sa maong sunog.

Sa datos sa Cebu City Fire Office niadtong buwan sa Agosto ang siyudad nakatala og 21 ka sunog nga midanyos og P3.5 million ang danyos samtang sa buwan  Septiyembre, 18 ka sunog ang nitumaw sa siyudad ug naa sa P10.8 milyones ang danyos.

Ang tulo ka nag-unang rason sa sunog nga mitumaw sa siyudad sa buwan sa Agosto ug Septiyembre mao ang electrical misuse, overloading ug kining pinch wires.  Gipasabot sa tigpamaba sa Cebu City Fire Office Senior Fire Office 2 Wendel Villanueva nga mas dako ang danyos sa buwan sa Septiyembre gumikan sab sa mga dagkong balay nga nasunog sama sa nahitabo niadtong Septiyembre 21 diha sa Barangay Guadalupe nga nidanyos og P6.7 milyones.

Si Villanueva miingon nga wala sila mohunong sa subsob nga kampanya sa publiko kun unsay mga angayang buhaton unsaon nga malikayan ang sunog.

Gani kada adlaw naa ang ilahang Oplan Ligtas Pamayaan(OLP) on the road diin moadto sila sa mga Barangay aron gyud ipaabot sa katawhan ang mga pamaagi sa paglikay sa sunog.— /IBM (BANAT NEWS)

SUNOG

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with