^

Banat Balita

Curfew Ordinance sa Lapu-Lapu City ibalik

Romeo T. Limpangog - Banat

CEBU, Philippines — Gimando ni Mayor Junard "Ahong" Chan ngadto sa kapulisan ang pagbalik sa pagpatuman sa Curfew Ordinance alang sa mga menor de edad sa dakbayan.

Dili palang dugay personal niyang gikuyogan ang mga polis alas-10 sa miaging gabii sa unang operasyon sa kapulisan hangtod sa alas 5 ang takna sa buntag pagkasunod adlaw.

Naaghat si Chan sa pagpatuman og balik sa maong ordinansa tungod sa nahitabo sa miaging Domingo nga diin usa ka buta o Person With Disability ang gitulis ug gikuha ang bag nga gisudlan sa kuwarta niini.

Gumikan sa panawagan ni Chan ug sa follow operation sa kapolisan usa sa upat ka tulisan ang mitahan ug  nisunod sab og tahan ang mga kauban niini nga pulos mga menor de edad.

Gitugyan na ang upat ka mga menor nga tulisan ngadto sa buhatan sa Department of Social Welfare (DSWD) alang sa pagkustodiya kanila.

Si Chan miingon nga sukad nga gihunong sa pagpatuman ang  curfew sa mga minor de edad namatikdan nga daghan na sab mga minor de edad ang naglaroylaroy panahon sa gabii.

Giawhag niya ang mga ginikanan nga bantayan ang ilang mga anak ug badlungon kini sa ilang paglaroy-laroy sa gawas panahon sa kagabhion.

Ang madakpan sa curfew pabayron og multa nga P1,000 ug P2,500 sa ikaduhang paglapas samtang sa ikatulo P2,500 apan adunay dugang nga pagkabilanggo nga lima ka adlaw apan dili mosobra sa 20 ka adlaw.

Atol sa unang operasyon, 31 ka mga menor de edad ang gihipos sa kapolisan gikan sa Tamiya, ilawom sa Marcelo Fernan Bridge, Mandaue-Mactan Bridge, Muelle Wharf, MEPZ ug uban pang mga dapit nga sagad tambayanan sa mga batan-on panahon sa gabii. —IBM (BANATNEWS)

CURFEW

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with