Drug rehabilitation gitutokan sa PDEA-7

CEBU, Philippines — Ang Philippine Drug Enforcement Agency (PDEA)-7 mipahibalo nga prayoridad nila nga programa gawas sa anti-ilegal drug campaign mao ang Barangay Drug Clearing Program.

Nalipay ang PDEA-7 sa pamahayag ni President Ferdinand "Bongbong" Marcos Jr. nga tutukan sad ang rehabilitation sa mga tiggamitan sa ginadiling drugas.

Sigon sa tigpamaba sa PDEA-7 Leia Alcantara gawas sa pagpadayon supply reduction hingusgan sab nila ang rehabilitation side nga gihulagway niini nga importante gyud sa ilahang kampanya batok sa ginadiling drugas.

"Ang atong campaign sauna heavy siya on supply reduction the conduct of anti-illegal drug operation but during the past administration ug this administration na appreciate and nakita kung unsa ka importante diay nga dapat supply reduction timbangan siya og demand reduction," sigon ni Alcantara.

Gibutyag sab ni Alcantara nga daghan na ang nakakompleto Community Base Drug Rehabilitation Program (CBDRP) nga usa LGU intervention sa mga tawo nga tiggamitan og drugas.

Matud pa 95 porsyento sa mga surenderers sa PDEA naa sa Barangay Rehabilitation Program  ug kadaghanan nila nagbag-o gyud, wala na mobalik sa bisyo ug duna nay mga tarong nga trabaho.

Gawas sa CBDRP ang PDEA duna say Balay Silingan Program diin ang mga naa diha kadtong mga surrenderers lang nga namaligya og drugas ug dili mogamit.

Sulod sa Balay Silingan dunay mga sessions didto makatabang sa ilaha aron mausab nga inig gawas nila sa Balay Silingan naa nay trabaho nga dili konektado sa illegal drugs.  Ang rehiyon siete dunay 14 ka Balay Silingan.  Padayon ang pakig-alayon sa PDEA-7 sa mga Local Chief Executive alang sa katukuran sa dugang Balay Silingan.

Base sa datos sa PDEA-7  niabot na sa 1,329 ka barangays sa rehiyon ang  nadeklarar nga drug cleared ug naa sa 116 ang drug free.

"When you say drug cleared these are barangays previously considered as drug affected, naay presence of drug personalities like users, pusher, drug den maintainer, mga drug dens mao nay drug affected kung moagi sila sa proseso maka-submit sila sa ilahang documents, their BADACS are functional and effective and all their drug personalities are accounted for buot pasabot ni graduate sa CBDRP, ang qualified pusher kay na enrol sa Balay Silingan, katong mga gahi og ulo wala voluntarily ni surrender na address nato through the conduct of anti-illegal drug operation na sustain ang ilahang demand reduction efforts kana those are critical requirements nato...for the druh free Barangays these are Barangays nga wala gyuy presence sa users, pushers or any illegal druh activities ", pasabot ni Alcantara. —IBM (BANATNEWS)