^

Banat Balita

CCTO ug CCTMCC gihangyo nga i-facilitate ang pedestrian lane

Sanden J. Anadia - Banat

CEBU, Philippines — Gihangyo sa konseho sa Siyudad sa Sugbo ang Cebu City Transportation Office (CCTO) ug Cebu City Traffic Management Coordination Committee (CCTMCC) nga i-facilitate ang mga pedestrian lane ilabi na kadtong duol sa mga tunghaan.

Dugang hangyo niini ngadto sa CCTO ug CCTMCC nga i-facilitate usab ang mga lugar nga adunay mga "No Jaywalking" signs diin walay personnel nga nagbantay.

Giaprobahan sa konseho sa Dakbayan sa Sugbo ang resolusyon nga giduso ni Konsehal Nestor Archival Sr. kalabot sa maong hangyo.

Ang pedestrian lane o pedestrian crossing gituyo kini alang sa mga tawo aron makatabok sa karsada.

“There have been cases of citizens being hit while crossing a pedestrian lane, and vehicular accidents caused by citizens not using the pedestrian lane’, matud ni Archival. Gibutyag ni Archival nga nisaka ang gidaghanon sa mga inbidwal sa Dakbayan sa Sugbo nga nadakpan tungod sa jaywalking.

Ang City Ordinance 1814 kun "Anti-Jaywalking Ordinance" gipatuman sukad niadtong Pebrero 23, 2000. Matud ni Archival nga adunay daghang pedestrian lane sa siyudad nga dili makita sa mga motorista.

Subay niini, gihangyo sa konseho ang CCTO ug CCTMCC nga ilhon ang mga lugar sa dakbayan nga nanginahanglan og pedestrian lanes ug pintalan ang mga hanap na nga pedestrian lane.  Gihangyo usab sa konseho ang nahisgutang mga buhatan ug komitiba nga makig-alayon sa Department of Public Works and Highways (DPWH) kon gikinahanglan kalabot sa pagpatuman ug rehabilitasyon sa mga karsada ubos sa hurisdiksiyon niini.

Samtang laing resolusyon usab ni Archival nga giaprobahan sa konseho nga naghangyo kang Mayor Michael Rama nga hatagan og parking space ang mga empleyado sa kagamhanan sa siyudad.

Matud usab ni Archival nga daghang mga empleyado sa siyudad nga maglisod sa pagpangita og parking space ilabi na niadtong tiggamit og motorsiklo.

“Employees of the Cebu City Government that do find a parking space near the City Hall, often have to pay more or less 20 pesos per hour”, ni Archival pa. Subay niini, gihangyo sa konseho ang Committee on Transportation and Communication nga ilhon ang posibleng parking lot sa siyudad nga magamit sa mga konstituwente niini. —BDB (BANATNEWS)

CCTO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with