^

Banat Balita

Kapin P96 mil nga balor sa marijuana nasakmit sa buy-bust operation

Romeo Marantal - Banat

CEBU, Philippines — Mokabat sa P96,600 nga balor sa marijuana ang nasakmit sa buy-bust operation sa Station Drug Enforcement Unit sa Carbon Police Lunes sa gabii sa barangay Ermita, siyudad sa Sugbo.

Si Police Major Kenneth Paul Albotra kinsa nangu sa operasyon miila sa dinakpan nga si Renzo Medalle Alferez 23, residente sa barangay Mambaling nga gikonsiderar nga High Value Individual Regional Level.

Matud pa ni Albotra nga ang suspetsado maka dispose og dul-an usa ka kilo sulod sa usa ka semana ug sagad sa mamalitay iya ra usab nga mga kaila.

Nakuha gikan sa suspek ang nagkadaiyang pakete o rolyo sa marijuana nga mo timbang og 805 gramos nga mo balor og 96,600 pesos.

Ang dinakpan kasamtangang gibalhog sa Carbon Police Station ug gitakda nga pasakaan og kaso.

Sa laing bahin duha ka pusher og shabu ang nadakpan sa buy bust operation sa kapolisan sa barangay Basak, siyudad sa Mandaue sa miaging gabii.

Si Police Captain Emmanuel Rabaya, hepe sa Presinto 3 sa Mandaue City Police Office (MCPO) miila sa mga dinakpan nga sila si Michael Guinto, 42 ug Jonathan Macawala, 44 nga pulos nagpuyo maong dapit.

Nasakmit sa operasyon ang 12 ka paketeng shabu, salapi nga P2, 040. 00 nga gituohang halin ug P500 nga buy bust money.

Samtang upat ka tawo nga nagtigbakay ang nasikop sa kapolisan sa ilang pagpangronda diha sa sitio Tacio, Barangay Dakit, siyudad sa Bogo.

Si Police Lieutenant Colonel Florendo Pajardo, hepe sa Bogo City Police Station miila sa  mga dinakpan nga mao sila si Joel Canama, 41, Norman Ares, 26, Junrey Catamtaman, 42 ug Felix Catayas, 60 nga pulos nagpuyo sa maong dapit. Romeo T. Limpangog/MEL (BANATNEWS)

MARIJUANA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with