Mga tunghaan sa siyudad sa Talisay wa makatuman sa fire safety
CEBU, Philippines — Gibutyag ni SFO2 Guiller Pegarido sa Bureau of Fire Protection sa siyudad sa Talisay nga duna gihapoy mga tunghaan sa dakbayan nga wala makatuman sa fire safety.
Suma pa ni Pegarido nga nahurot na nila og libot ang mga tunghaan ug ilang nakita ang susama ra nga suliran bisan og nihatag na sila og rekomendasyon.
Hinoon siya midugang nga dili madali og sulbad ang maong problema tungod kay madugay man ang pagpagawas og pundo nga magamit sa paghimo og kausaban.
Samtang duna nay gitudlo nga mga pamaagi ang kabomberohan sa Talisay kun unsaon nga makadali ra og gawas ang mga tinun-an ug magtutudlo sa higayon nga dunay motumaw nga sunog sa ilang eskwelahan.
Nagkanayon si Pegarido nga subsob ang ilang drills nga gihimo aron mapahinumdoman ang kabataan ug magtutudlo sa ilang pagabuhaton panahon sa katalagman.
Gani ila sab nga isunod ang mga pribadong tunghaan sa ilang gihimo nga pag inspeksyon ug paghimo og drills sa pagluwas sa kaugalingon. MEL (BANATNEWS)
- Latest