PNP health service gimugna aron moatiman sa panglawas sa kapolisan 

CEBU, Philippines — Importante gyud sa kapolisan ang maayong panglawas aron makahatag og maayong serbisyo hinungdan nga ang Regional Medical and Dental Unit-7 dunay kalihukan nga gitawag og PNP Health Service ‘Enhanced Monitoring of Police Overall Wellness (EMPoW).

Ang maong kalihukan dunay tema nga “Serbisyong Pangkalusugan Para sa Bisdak Cops”.

Gipasabot sa pangulo sa Regional Medical and Dental Unit-7 Col. Jose Sales Jr. nga tumong sa kalihukan nila nga ma-identify ang mga police personnel nga dunay kakulian sa panglawas aron matan-aw ug matagad ang ilang kondisyon.

Suma ni Col. Sales himoon kini kada quarter, diin i-require sila nga mopaubos og laboratory test ug i-evaluate pag-usab aron masuta kun ni improve ang ilang kondisyon o wala.

“Kung hindi sila nag improve tuloy-tuloy pa rin po ang pagbibigay natin ng free medicines and kung mag-improve naman siya i-advice natin yung ating police na to maintain sa kanilang healthy lifestyle kasi more on lifestyle change ang kailangan para ma address yung problem natin with these non-communicable diseases”, pasabot ni Col. Sales.

Gihulagway ni Col. Sales nga importante gyud nga himsog ang panglawas sa kapolisan ilabi na kabahin sa ilahang trabaho ang paghatag og serbisyo sa komunidad.

Nasayran nga gilusad nila ang maong kalihukan niadtong Agosto 12 diin kapin 50 ka personnel ang nipahimulos sa maong programa ug kagahapon laing 40 ka personnel ang nipahimulos niini. MEL (BANATNEWS)