^

Banat Balita

Duha ka motor nagbangga, usa patay

Rowena D. Capistrano - Banat
Duha ka motor nagbangga, usa patay
Gikuha sa mga rescuers sa Minglanilla kining drayber sa multicab nga nabangga sa luyong bahin aning maong trak diha sa Tunghaan sa maong lungsod niadtong Huwebes sa gabii.
Jutin Loi

CEBU, Philippines — Usa ang patay ug tulo ang angol sa disgrasya nga nahitabo sa may Barangay Malhiao, Badian niadtong Huwebes sa gabii.

Ang nakalas naila nga si Jason Isidore Purgatorio, 32, residente sa Barangay Candiis sa maong lungsod ug nagmaneho sa iyang Honda nga motor.

Samtang ang naangol mao ang sakay sa laing motor nga sila si Roy Saldua, 31, driver sa Rusi nga buak ang plate number, ang mga sakay niini nga sila Niño Approvechado, 29, ug Rolly Saldua, 31, pulos mga residente Manduyong sa Badian. Atol sa pag-abot sa grupo ni PSMS Edmund Obiso ug mga kaubanan ang maong lugar nangligdas sa dalan ang mga biktima nga pulos samdan.

Sa initial nga imbestigasyon  gikan sa managlahi nga direksyon ang mga motor. Ang namatay padulong sa Moalboal samtang ang mga naangol padulong sa Badian.

Apan pag-abot sa maong lugar gikataho nga mi-overtake og van si Saldua ug didto napunta sa kasugat nga motor nga gimaneho ni Purgatorio hinungdan nga nagkabanggaanay sila.

Ang upat parehong gidala sa Badian District Hospital apan gideklarar nga dead on arrival si Purgatorio samtang na-admit ang tulo tungod sa naangkong kadaut sa kalawasan.

Ang kapulisan padayon pa karon nihimo sa ilang imbestigasyon may kalabutan sa maong disgrasya. isgrasya sa Campo 4 alarming na, barrier dalion pagtrabaho aron likay sa pagkatagak sa mga sakyanan

Sa laing bahin, gihulagway sa pangu sa City of Talisay-Traffic Operation Development Authority (CT-TODA) nga alarming na ang mga panghitabo nga disgrasya sa Barangay Campo 4, Dakbayan sa Talisay.

Si Jonathan Tumulak, pangu sa CT-TODA nagkanayon nga nakatala na sila og lima ka disgrasya sa maong dapit samtang naa pa sa ikatulong kwarter sa tuig.

Ang mga sakyanan nga madisgrasya mahagbong gyud sa pang-pang. Maayo nalang gani kay mangasakit ang sakyanan sa mga kahoy hinungdan nga maluwas ang sakay niini.

Sa gihimo nga inspeksyon sa taga Department of Public Works and Highways (DPWH) nakahatag sila og program of works ngadto sa CT-TODA.

Ang proyekto nga naglangkob sa pagbutang pagbalik og barrier sa pang-pang moabot na kini og P5 milyones.

Matud pa ni Tumulak nga mahug kini nga dinalian nga proyekto gumikan kay daghan ang mag agian sa lugar matag adlaw.

Ang karsada sa Campo 4 mahimong molapos sa Syudad sa Toledo, Syudad sa Sugbo ug sa lungsod sa Minglanilla.

Gihangyo ni Tumulak ang motorista nga mag-amping gyud sa pagmaneho ilabi na sa pag agi sa maong dapit. —Gabriel Bonjoc/IBM (BANATNEWS)

DEAD

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with