^

Banat Balita

VisCom nangita og luna sa Bohol nga ilang kabalhinan

Decemay P. Padilla - Banat

CEBU, Philippines — Ang Visayas Command (VisCom) niluwat og pamahayag kalabot sa giingong tinguha nga ibalhin ang VisCom Headquarters gikan sa Barangay Apas, Siyudad sa Sugbo ngadto sa Probinsiya sa Bohol.

Nitumaw kini human si Gobernador Erico Aris Aumentado sa Probinsiya sa Bohol ni-post diha sa iyang Facebook page nga gidawat niya ang plano nga pagbalhin sa VisCom ngadto sa ilahang probinsiya.

Lakip usab sa post niini nga nagtagbo sila sa mga representante sa Armed Forces of the Philippines.

Giingong ang AFP nipadayag kini nga mobalhin gikan sa Sugbo ngadto sa Bohol ug nangita sila og 40 ektarya nga gilapdon sa luna nga ilang mabalhinan.

“Gipili nila ang Bohol nga ilang plano sa kabalhinan. Gihisgutan namo ang plano nga sa Ubay ang gamitong lugar kay walay makahatag og halapad nga lugar dool sa airport”, tipik sa Facebook post ni Aumentado.

Sa ilahang bahin, ang VisCom nagkanayon nga ang maong hisgutanan ilaha nang gipadangat ngadto sa Department of National Defense (DND) kinsa maoy adunay gahom ingon man maghatag og direktiba ug control sa tanang component units apil na ang military installations.

“In view of this, as a professional military organization, we shall abide with the guidance set by the DND pertaining to the execution of policies that concern military affairs to conform to the decision previously ruled by the Supreme Court”, tipik sa pamahayag sa VisCom.

Gitataw sa VisCom nga magpadayon sila sa ilahang misyon aron makab-ot ang effectiveness sa ilahang kampaniya sa paghimo sa Armed Forces’ military ug geographical tactical operations; military response sa bisan unsa nga internal o external threats ingon man pagpahigayon og humanitarian ug disaster response operations sa rehiyon. —BDB (BANATNEWS)

SUGBO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with