^

Banat Balita

Rama molarga sa Manila alang sa laing “investment begging”

Decemay P. Padilla - Banat

CEBU, Philippines — Molarga na usab paingon ngadto sa Manila si Cebu City Mayor Michael Rama alang sa laing hugna sa iyahang gitawag nga “investment begging” sa Siyudad sa Sugbo.

Kini maoy gipahibawo ni Rama atol sa flag raising  ceremony diha Cebu City Hall kagahapon sa buntag diin kuyog niya sa iyahang paglarga si Architect John Michael “Yumi” Espina, city planning officer, Roberto “Bo” Varquez,  head sa South Road Properties Management Office, Cerwin Eviota, head sa Public Information Office ingon man ang iyahang protocol officer.

“After panglimos balik Lunes naa dinhi si Secretary Cimatu hopefully moabot si Senator Franklin Drilon ug si Secretary Babes Singson mao nga ako na nga gipaandam ni Collin while we are in Manila magpakilimos andama daan”, matud ni Rama.

Sa paglarga ni Rama ngadto sa kaulohan gitahasan niini ang iyahang executive secretary Atty. Collin Rosell ug city administrator Suzzane Ardosa nga motan-aw sa operasyon sa kagamhanan sa siyudad samtang wala siya.

Gibutyag ni Rama nga nagplano sila ng dili lang mangayo og tabang sa mga investor apan mangayo sila og tabang ni Presidente Ferdinand “Bongbong” Marcos Jr.

Sa niaging buwan si Rama uban sa mga pipila ka kadagkoan sa Cebu City Hall niadto usab ngadto sa Manila ug nihimo sa “investment begging” diin kabahin kini sa iyahang tinguha nga masusama sa Singapore ang Siyudad sa Sugbo.

Giingong pipila sa mga gisaad sa mga investor nga naestorya ni Rama mao ang pagkompleto sa Cebu City Medical Center (CCMC) gikan sa iladong magpapatigayon nga si Manny Pangilinan. BDB (BANATNEWS)

MICHAEL RAMA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with