^

Banat Balita

Gidaghanon sa violators sa Cebu City nidoble

Sanden J. Anadia - Banat

CEBU, Philippines — Gipahibalo sa Cebu City Transportation Office nga nidoble ang gidaghanon sa traffic violators sa buwan sa Agosto niining tuiga.

Base sa ilang datos, ang maong traffic agency nakaisyu kini og 17,569 ka citation tickets sa buwan sa Agosto ug dako kaayo ang deperensiya niini sa  8,577sa buwan sa Hulyo. Nabantayan usab sa CCTO nga duna gihapoy mga nadakpan nga walay lisensiya.

Naka-impound usab sila og 627 ka motorsiklo, 132 ka e-bike ug 21 ka pribado nga sakyanan.

Samtang niabot usab ngadto sa 1,027 ka sakyanan ang ilang na-clamp.

Gipaniguro niini ang patas nga pagpatuman sa lagda aron mahimong hapsay ang kadalanan nga subay usab sa direksiyon sa administrasyon ni Mayor Michael Rama kinsa nagtinguha nga masusama sa Singapore ang Dakbayan sa Sugbo.

Nitabang usab ang CCTO alang sa clearing program sa kagamhanan sa siyudad.

Nunot niini, samtang nagkaduol na ang pasko ug pipila ka mga holiday gilaoman usab ang paghuot sa trapiko diha sa pipila ka mga kadalanan sa siyudad.

Ang CCTO nagsugod na usab sa ilang mga pagpangandam ilabi na kalabot sa traffic tungod sa holiday.

Si Paul Gotion, executive director sa CCTO nibutyag nga nagsugod na sila karon pag-implementar sa massive clearing sa mga major thoroughfares sa siyudad.

Sa nilabay’ng semana adunay clearing operations nga gipahigayon diha sa V. Rama Avenue ug sa pipila ka bahin sa Pardo. Rowena D. Capistrano/BDB (BANATNEWS)

CCTO

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with