Converge gi-tap sa Cebu City alang sa paspas nga internet

CEBU, Philippines — Sa tinguha sa Cebu City Government nga palambuon sa ang services nga naglambigit og digital technologies gusto niini nga makig-alayon og kompaniya nga makahatag og paspas nga internet service.

“Faster internet speed is a key component in our vision for a Singapore-like Cebu city”, sigon ni Vice Mayor Raymond Alvin Garcia samtang nag-estorya atol sa launching sa Converge ICT Solutions’ new business office sa One Cebu Hotel sa miaging adlaw.

Gipahibawo sab sa bise mayor ang siyudad naa sa second phase sa pagbutang og high-definition closed-circuit television (CCTVs) uban sa mga dagkong kadalanan ug intersections sa siyudad.

Pasabot niini mahimong deterrence ang mga cameras alang sa menus nga crime rate ingon man ma-minimized ang ihap sa traffic violations sa mga maong dapit.

“Putting high-def cameras would also mean that we need high-speed internet to connect them to our system…Mapasalamaton kaayo ko nga naa mo dinhi, and I will look into a possible partnership with you,”  ni Garcia pa.

Ang Converge sa ilang bahin miingon nga ang kompaniya mosuporta sa tinguha sa adminstrasyon ni Mayor Michael Rama nga Singapore-like Cebu City. —/IBM (BANAT NEWS)