^

Banat Balita

Garcia: Daluz, MCWD board angayang magpabilin

Sanden J. Anadia - Banat

CEBU, Philippines — Si Cebu City Acting Mayor Raymond Garcia nagkanayon nga angayang magpabilin sa pwesto si Joey Daluz isip chairman sa Metropolitan Cebu Water District (MCWD) diin hatagan kini og kahigayonan nga makaalagad sa maong water district ug ang tibuok board.

Ang maong reaksiyon ni Garcia kalabotan kini sa panawagan sa MCWD Employees Union nga pakanaogon si Daluz sa pwesto tungod sa giingong dili maayong performance niini. Si Garcia nagkanayon nga kinahanglang sabton ang sitwasyon ilabi na sa pandemiya ug kapin sa duha ka tuig nga wala dayon kahunat ang ubang mga programa sa MCWD.

Ug gawas sa pandemiya nisunod ang bagyong Odette nga nibilin og grabeng kadaot niadtong tuig 2021.

Matud ni Garcia nga nakita niya si Daluz ug ang kinatibuk-ang board nga naningkamot gihapon nga mahatud ang mga proyekto bisan pa sa mga suliran nga gisagubang.

Usa sa mga milestone nga iyang nakita nga nabuhat sa kasamtangang board mao ang lapad nga water project diha sa Barangay Lusaran  diin tungod sa maong proyekto madugangan na og tinubdan sa tubig ang taga Siyudad sa Sugbo.

Niining ulahi lang, wala mahimuot ang MEU sa performance sa MCWD board  human ang kita sa maong water agency nikunhod og 62 porsyento , samtang ang  non-revenue water (NRW) nisaka ngadto sa 30 porsyento.

Ug ang MEU nipadayag nga adunay mga pamaagi sa kasamtangang management nga matawag nga mga kwestiyonable. BDB (BANATNEWS)

MCWD

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with