^

Banat Balita

Alvin Garcia giabswelto sa RTC sa kasong gisang-at ni Osmeña

Sanden J. Anadia - Banat

CEBU, Philippines — Giabsuwelto sa Cebu City Regional Trial Court Branch 12 ang kanhi mayor sa siyudad sa Sugbo nga si Alvin B. Garcia kalabot sa kaso nga giatubang niini kabahin sa piniliay nga gipasaka ni kanhi mayor Tomas Osmeña niadtong 2004.

Sa desisyon ni Judge Estela Alma nga dunay petsa nga Hunyo 28, 2022, napakyas ang kampo ni Osmeña sa pag-establisar og igong ebedensya  batok kang Garcia  nga magpakita nga nakasupak kini sa Sec. 6 sa Republic Act (RA) 9066 nga dunay relasyon sa  Sec. 264 sa Omnibus Election Code.

Nag-ugat kini sa dihang giakusahan ni Osmeña si Garcia nga nigamit sa usa ka mantalaan ug nipasangil usab siya nga gipanag-iya kini sa pamilya niini.

Ang kampo ni Osmeña nipadayag nga pabor kang Garcia ang election propaganda nga napublikar sa maong mga mantalaan niadtong higayona ug giingong nakalapas kini sa lagda sa Commission on Election nga katulo ra gyud sa usa ka semana makapagawas og ads ang kandidato. Kahinumdoman nga nag-atbang ang duha alang sa posisyon nga pagka-mayor niadtong 2004 ug si Osmeña maoy nakadaog sa maong piniliay.

Sa tubag kaniadto ni Garcia, gihimakak niini nga duna siyay kalabotan sa maong printed material,ug gitataw niini nga iyang supporters maoy nagbayad sa advertisement. Tipik sa affidavit ni Garcia nga wala siya suginli sa iyang supporters kalabot niini.

Matud pa niya nga ang maong printed material alang sa tibuok niya nga partido nga mao ang Kusog-KNP ug nakaplastada ang tanang kandidato sa iyang grupo ug wala siya nag-inusara.

Gihimakak usab ni Garcia ang alegasyon nga gipanag-iya sa iyang pamilya ang maong mantalaan ug suma niini nga usa kini ka korporasyon, ug wala siyay managerial position sa kompanya ug wala pud siyay kalabotan sa mga desisyon niini.

Gitataw niya nga usa lang siya ka stockholder niadtong higayona ug wala siyay gahom sa pagpadagan niini sa pamantalaan.

Kahinumduman nga sa wala pa nahulma ang Partido Kusog ni Garcia, nagkauban pa sila kaniadto ni Osmeña sa Bando Osmeña Pundok Kauswagan (BOPK) hangtud nga nag-iyahay na ang ilang mga dalan. —MEL (BANATNEWS)

ALVIN GARCIA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with