National ID moagi pa sa SVP una kini ma-release
CEBU, Philippines — Ang Philippine Statistics Authority niklaro nga moagi pa sa Standard Verification Process una pa mahatag ang national ID.
Ang Philippine Statistic Authority nibutyag nga moagi pa ang tanang datos sa mga registered ngadto sa PSA Standard Verification Process hinungdan nga dili dayon kini ma- release
Matud ni Mary Clare Coronado sa PSA nga ang verification process gikinahanglan aron malikayan nga magdoble ang registration ug aron masiguro usab nga walay kaparehas ang ID number.
Gawas niini, kinahanglan usab ang dugang identity verification human nga adunay nagkaparehas og mga pangalan ug ang card production maoy mosunod sa process usa usab sa maapektohan.
Dugang ni Coronado nga bisan og nagdungan pa og parehistro ang matag pamilya o silingan apan adunay kahigayonan nga adunay una modawat sa ilang national ID ug adunay maulahi. BDB (BANATNEWS)
- Latest
