18 ka kurso giplanohan nga idugang sa tesda sa Talisay
CEBU, Philippines — Target ni mayor Gerald Anthony “Samsam” Gullas sa siyudad sa Talisay nga makahatag og 18 ka kurso sa Technical Education and Skills Development Authority (TESDA) sud sa iyang termino.
Matud pa ni Gullas nga dako og tabang ang TESDA gumikan kay daghan sa mga kompaniya ang nanginahanglan og skilled nga empleyado.
Sa pagkakaron upat ka kurso ang mahimo nga eskwelahan sa Talisaynon nga mao ang housekeeping, bread and pastry, electrical installation and maintenance ug shielded metal arc welding.
Tinguha ni Gullas sa iyang unang usa ka gatus ka adlaw sa iyang bag-ong termino nga ma accredit sab ang slaughtering, bookkeeping, events management, emergency medical services, driving ug cookery. Siyam ka kurso ang target sa buwan sa Oktubre hangtud nga mahimo kini nga 18 ka kurso.
Ang Talisay giila nga Regional Winner sa 2022 kabalikat awards ug nominado sa national kabalikat awards.
Ang maong pasidungog nagpamatuod sa ka aktibo sa Talisay sa pag- implementar sa Technical Vocational Education and Training programs. Ang Talisay mao lang ang naila nga mananaog sa rehiyon 7. —MEL (BANATNEWS)
- Latest
