^

Banat Balita

Minimum nga pletihan sa tricycle sa Lapu-Lapu wa pa maaprobahi

Romeo T. Limpangog - Banat

CEBU, Philippines — Gikatakda nga tukion pagbalik sa mga sakop sa konseho sa siyudad sa Lapu-Lapu ang ipatuman nga minimum nga plitehan sa mga tricycle.

Kini human nga wala kaaprobahe sa regular session sa miaging semana ang ordinansahon nga gipangamahanan ni Konsehal Marciano "Jun" Alforque.

Napakyas sa pagpalabang si Konsehal Alforque sa giduso niyang ordinansahon alang sa pagbutang na gayod og fixed nga minimum nga plitehan sa mga tricycle tungod kay wala man magkatugma ang gilay-on sa ilang rota.

Si Sangguniang Kabataan (SK) President Laika Tampus miingon nga namatikdan niya nga adunay layo nga rota nga giparehas lang ang plitehan sa anaa lamang sa duol nga rota.

Gihimong ehemplo ni Tampus ang Barangay Calawisan ug Barangay Babag sa maong siyudad nga parehas nga P13 ang plitehan sa Barangay Pajo nga nahimutang lamang sa merkado publiko.

Susama gihapon nga plitehan sa mga nagbiyahe sa Barangay Pusok ug Barangay Mactan gikan sa merkado publiko nga maoy ilang gigikanan sa ilang pagbiyahe.

Subay niini gisugyot ni Konsehal Annabeth Cuizon ang panginahanglan sa tukmang pletihan apan gisugyot ni Association of Barangay Council President Eduardo Cuizon ang pagpagawas og fare matrix sa mga tricycle apan nagkinahanglan nga matino una ang gilay-on sa matag rota niini.

Sa ordinansahon nga giduso ni Konsehal Alforque maoy iyang gisugyot ang P13 nga minimum nga plitehan gikan sa kasamtangan karong P15.

Samtang si Konsehal Annabeth Cuizon ang nagsugyot sa paghatag og discount sa mga pasahero nga estudyante, Senior Citizen ug Person with Disability (PWD's) apan kinahanglan nga mopakita sa ilang identification (ID). —MEL (BANATNEWS)

TRICYCLE

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with