^

Banat Balita

Ordinansahon alang sa PWDs gipaubos sa pagtuon sa Cebu City

Sanden J. Anadia - Banat

CEBU, Philippines — Niduso si Cebu City Councilor Rey Gealon og ordinansahon nga mag-integrate sa resident persons with disabilities (PWDs) sa workforce sa business entities/employers sulod sa siyudad.

Ang gisugyot nga lakang nagtinguha usab nga mahatagan og mga incentive ang mga pribadong negosyo o employer nga naghatag og trabaho sa mga PWD.

Ang maong ordinansayon gi-refer kini sa committee on laws, ordinances, and styling alang sa dugang pagtuon.

Lakip sa maong ordinansahon ang pag-umol og mga programa ug dugang trainings.

Ang Section 4 naglatid nga supak sa balaod alang sa mga negosyo/employer ang pagdumili sa pagpatrabaho sa usa ka PWD.

Dugang pa sa ubang mga rekisitos sa pagpanarbaho, ang mga baldado kinahanglang magpakita sa ilang PWD ID, barangay clearance, ug medical certificate/rekomendasyon nga siya haom alang sa posisyon nga gi-aplayan. Ang mga PWD mahimong makatrabaho isip consultant, librarian, school guardian, call center agents, housekeeper, ticketing personnel, museum curator, bookkeeper, ug uban pa.

Ang siyudad mohatag og insentibo pinaagi sa deduction sa business tax sa mga business entities/employers nga nagpatrabaho og PWD.

Ang mga pasidungog ug mga plake sa pag-ila ihatag usab ngadto sa mga negosyo/employer nga hingpit nga nagsunod sa ordinansa.

Ang sweldo o suholan sa PWDs kinahanglang patas ug dili ubos sa minimum nga suholan.

Ang Persons with Disability Affairs Office (PDAO) ug City Treasurer’s Office  maoy tahasan sa pagpatuman sa mga probisyon sa ordinansa.

Sulod sa 60 ka adlaw gikan sa pagka-epektibo sa ordinansa, ang CTO ang mo isyu sa implementing rules and regulations aron epektibong mapatuman ang tax deduction ubos sa Section 7.

Sa konsultasyon sa mga hingtungdan nga stakeholders, ang PDAO maghimo usab og implementing rules and regulations nga mag-ila sa mga kondisyon o rekisitos diin ang usa ka PWD gitugotan sa pagtrabaho. BDB (BANATNEWS)

PWD

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with