^

Banat Balita

Mga eskwelahan giawhag sa pagpatuman sa higpit nga siguridad

Sanden J. Anadia - Banat
Mga eskwelahan giawhag sa pagpatuman sa higpit nga siguridad
Pupils of Concepcion Elementary School in Marikina attend bridging classes on Wednesday, Aug. 10, 2022. A bridging class is designed for students to catch up the subjects that are needed to be mastered including Math, Science, AP and English.
The STAR/Walter Bollozos

CEBU, Philippines — Gimandoan sa Cebu City Council ang  tanang tunghaan sa dakbayan pribado ug pampubliko sa pagpasaka sa ilang mga lakang sa siguridad ug paghimo og mas makuti ug istrikto nga mga inspeksiyon ilabi na sa mga kalihokan sama sa commencement exercises, cultural show ug uban pang mga selebrasyon nga ipahigayon sa ilang lugar diin daghang mga tawo ang motambong.

Kini aron malikayan ang bisan unsang dili maayong insidente nga mahitabo dinhi sa siyudad.

Si Konsehal Jose Lorenzo Abellanosa niduso og resolusyon kalabot niini ug giaprobahan kini sa konseho sa siyudad.

Matud ni Abellanosa nga niadtong Hulyo 24, 2022 nakurat ang tibuok nasud sa pagpamusil patay kang kanhi Lamitan mayor Rose Furigay ug sa executive assistant niini nga si Victor Capistrano ug Ateneo de Manila University security guard Jeneven Bandiala.

Naangol usab sa maong insidente sa pagpamusil ang anak ni Furigay nga si Hannah Rose, usa ka graduating law student sa Ateneo de Manila University (ADMU) Law school ug laing sibilyan.

Nadakpan ang suspetsado nga si Dr. Chao-Tiao Yumol nga giingong nagdumot sa mga biktima.

Nagkanayon si Abellanosa nga kon panaminan ang maong insidente adunay panginahanglan sa pagpalig-on sa mga lakang sa siguridad ug mas istrikto nga mga inspeksiyon aron malikayan dinhi sa Sugbo ang susamang insidente.

Sa laing bahin, ang kapolisan sa Dakbayan sa Sugbo makig-alayon sa mga magtutudlo alang sa pagbutang og mga polis diha sa matag campus ilabi na sa unang semana sa pagbukas sa klase nga magsugod karong Agosto 22, 2022.

Matud ni Police Lieutenant Colonel Wilbert Parilla, deputy city director for administration sa Cebu City Police Office nga susama sa naandan adunay polis nga ibutang sa unang semana sa pagbukas sa klase pagpatuman sa kahapay ug kalinaw.

Gibutyag ni Parilla nga iyaha na nga gipahibalo ang Cebu City Traffic Office (CCTO) ug gihangyo nila kini nga alas 6:00 sa buntag anaa na sa lugar ang personnel sa CCTO.

Gihinay-hinayan na usab og paayo ang mga motorsiklo tungod kay plano nilang ibalik ang Tactical Motorcycle Riders Units (TMRU).

Si Parilla niawhag sa mga ginikanan nga mohatud sa ilang mga anak ug sa mga estudyante nga mo sulod na sa klase nga mag-amping ug magmabinantayon kanunay aron dili mabiktima sa mga badlongon. — ( Romeo D. Marantal, Letty G. Mariscal, CNU Intern ug Mary Rose A. Carciller, UV Intern/BDB) (BANAT NEWS)

SCHOOL

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with