^

Banat Balita

Alcover: Balaod alang sa senior citizens angayang i-review

Sanden J. Anadia - Banat

CEBU, Philippines — Nipadangat og privilege speech si Konsehal Pastor “Jun” Alcover kabahin sa pag- review sa mga magbabalaod ang sa probisyon sa Expanded Senior Citizen Act of 2010 gumikan kay adunay ubang mga senior citizen ang nakasinati og dili makiangayon nga sitwasyon.

Matud pa ni Alcover nga kinahanglan nga mahimoan og paagi ang emergency nga sitwasyon sa mga senior citizen ilabi na sa panahon nga aduna kini representante sa pagpalit og tambal diha sa mga botika.

Giingong adunay sitwasyon nga wala nakadala og "authorization letter" ang representante ug ID ra sa senior citizen ang nadala niini diin ang establisamento  wala

mo-entertain sa ID ug nangita gyud kini og authorization letter.

Gipadayag ni Alcover nga nakasinati usab siya sa maong klase nga sitwasyon.

Gilakbit ni Alcover ang probisyon sa Section 4 (k) sa Akta Republika Numero 9994 kun  “Express ” or “Priority” lane sa commercial ug government establishments nga ang representante sa senior citizen kinahanglan lang og dokumento nga magsilbing pruweba.

Tumong niya nga panahon sa emerhensiya makalinya lang unta sa priority lane  ang mga representante sa senior citizen .

"Unya nganong lisud-lisuron man ang mga representative sa senior citizens nga igo ra man sila nipalit og tambal alang niini?", pangutana ni Alcover.

Si Alcover nagkanayon nga angayan lang unta nga ikonsiderar ang  OSCA ID. Hinuon gidayeg ni Alcove rang mga establisamento nga modawat ra og OSCA ID.

"Kong abuso ang rason nganong kinahanglan ang “authorization letter” sa representative, pwede man maghimo og listahan ang Department of Trade and Industry sa pila ra ka items o goods ang mapalit ug makadawat og discount”, ni Alcover pa.

Hangyo ni Alcover nga ipadangat ang iyang concern ngadto sa mga kongresista sa duha

ka distrito sa Siyudad sa Sugbo nga sila si  Eduardo “Edu” Rama, Jr. ug  Rachel “Cutie” Del

Mar aron matun-an ang posibilidad sa pag-amendar sa balaod kalabot  sa senior  citizen.(BANAT NEWS)

ALCOVER

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with