^

Banat Balita

Bangi diha sa karsada gitan-aw nga hinungdan sa pagpamusil sa motorist

Rowena D. Capistrano - Banat

CEBU, Philippines — Gituohan nga road rage ang hinungdan sa pagpamusil nga nahitabo diha sa Hernan Cortes Street, Barangay Subangdaku, Dakbayan sa Mandaue niadtong Lunes sa gabii. Kini ang gibutyag ni Police Lieutenant Colonel Franco Rudolf Oriol, tigpamaba sa Mandaue City Police Office ug kasamtangang deputy city director for operations.

Ang biktima sa maong pagpamusil mao si Robert Estandarte, 45-anyos, nagpuyo diha sa Gentle Breeze, Barangay Subangdaku sa maong siyudad.

Matud ni Oriol nga ilang gisubay karon nga road rage maoy motibo sa pagpamusil tungod sa giingong panaglalis sa duha ka drayber gumikan kay hapit kini magkabangga.

Si Oriol nagkanayon nga wala pa sila’y identity sa responsable sa pagpamusil diin gisusi nila karon ang plate number sa sakyanan aron mailhan ang nahisgutang kriminal.

Gitinguha usab sa kapolisan sa Mandaue City Police Officer nga makakuha og video footage sa close circuit television camera gikan sa pipila ka mga establisamento diha sa lugar nga nahitaboan.

Base sa imbestigasyon sa kapolisan nga nagsakay ang biktima og motorsiklo paingon sa Siyudad sa Sugbo. Samtang ang usa ka Sedan nga awto kalit nga ni-overtake diin hapit kini mosaghid ngadto sa motorsiklo sa biktima hinungdan nga nagkalalis ang duha.  Giingong nipahinay sa pagpadagan sa iyang sakyanan ang wala ilhing lalaki ug pag-abot diha sa ubos nga bahin sa flyover nangabli sa bintana sa iyang sakyanan ang maong lalaki ug gipusil ang biktima.

Human og pamusil dali kini nga nipabulhot sa iyang sakyanan paingon diha sa Barangay  Banilad sa maong siyudad ug ang biktima daling gidala sa duol nga tambalan apan gideklarar kini nga patay na nga naabot sa tambalanan. —Romeo T. Limpangog/BDB (BANATNEWS)

DAKBAYAN

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with