^

Banat Balita

30 ka pamilya gihikling; CCDRRMO nakadawat og flood walkers

Decemay P. Padilla - Banat

CEBU, Philippines — Niabot ngadto sa 30 ka pamilya sa Barangay Buhisan ug Budlaan sa Dakbayan sa Sugbo ang gihikling gumikan sa pagpangliki ug pagdahili sa yuta diha sa maong lugar.

Si Raquel Arce, pangulo sa Cebu City Disaster Risk Reduction and Management Office nibutyag nga napulo ka pamilya nga nagpuyo diha sa daplin sa sapa ang temporaryo nga gipahiluna sa gym sa barangay ug laing 22 ka pamilya sa Budlaan ang anaa usab sa ilahang gym una nagpuyo.

Ang pagdahili sa yuta sa Barangay Buhisan ug pagpangliki sa yuta sa Budlaan gumikan kini sa uwan nga nasinati sa Siyudad sa Sugbo sulod na sa pila ka adlaw.

Samtang si Cebu City Vice Mayor Raymond Alvin Garcia nagkanayon nga sila sa konseho sa siyudad nga andam mosuporta sa lakang nga buhaton sa executive department aron pagtubag sa problema nga giatubang sa siyudad.

Matud ni Garcia nga kinahanglan usab nga tanawon og balik ang mga ordinansa sa siyudad sama sa 3-meter easement ordinance, water catchment ordinance ug uban pa.

Sa laing bahin, niabot sa 500 ka flood walkers ang gidonar sa Sacred Heart School Batch 1985 Foundation Inc. ngadto sa 400 ka personnel sa CCDRRMO.

Gipahigayon kagahapon sa buntag ang turnover sa flood walkers diha sa Plaza Sugbo atubangan nga bahin sa Cebu City Hall diin gitambongan kin sa konsehales ingon man ni Garcia.

Si Arce nagkanayon nga ang flood walker nga gihatag sa mga personnel sa CDRRMO dako na og tabang aron magamit nila ilabina kon moresponde sila og mga pagbaha sa siyudad.

Nasayran nga ang flood walker original design kini diin ang nakaimbento niini mao ang Sugbuanon nga si Barney Borja nga usa usab ka musician ug composer ug nitabang sa pag-design niini mao ang World Renowned Designer nga si Kenneth Cobonpue.

Sa laing bahin usab, gimando karon sa Mandaue City Risk Reduction and  Management Office ngadto sa tanang Barangay Emergency Response Team sa kabarangayan sa maong siyudad nga mapaubos na sila sa heightened alert tungod kay ngagpadayon ang pagbunok  sa uwan. —Rowena D. Capistrano, Romeo T. Limpangog/BDB (BANATNEWS)

CCDRRMO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with