^

Banat Balita

50 barangay gilunopan

Decemay Padilla, Romeo T. Limpangog - Banat
50 barangay gilunopan
Si Harold Alcontin, Operations Head sa Cebu City Disaster Riski Reduction and Management Office(CCDRRMO) nagkanayon nga dunay mga barangay sa south area ang taga tuhod ug taga hawak ang baha. Samtang sa north area misaka sab gyud ang tubig diin ang mga taxi ug motorsiklo dili gyud kaagi sa karsada ug daghan ang na-stranded tungod sa uwan.
STAR/File

CEBU, Philippines — Moabot 50 ka barangay sa patag sa Cebu City ang gilunopan sa tubig dihang mibunok ang kusog nga uwan niadtong Huwebes sa gabii nga milanat og pila ka oras una niundang.

Si Harold Alcontin, Operations Head sa Cebu City Disaster Riski Reduction and Management Office(CCDRRMO) nagkanayon nga dunay mga barangay sa south area ang taga tuhod ug taga hawak ang baha. Samtang sa north area misaka sab gyud ang tubig diin ang mga taxi ug motorsiklo dili gyud kaagi sa karsada ug daghan ang na-stranded tungod sa uwan.

Sa inisyal nga listahan sa CCDRRMO dunay mga pamilya Cogon Pardo, Basak Pardo ug Tisa nga gipabakwit kay misaka na ang tubig ug delikado ang ilang sitwasyon.

Nianang gabhiuna, mikusog ug mihinay ang uwan. Mao sab kini ang nasinati sa halos tibuok Metro Cebu gikan sa Talisay City, Mandaue City, Cebu City ug Lapu-Lapu City ug mga kasikbit nga kalungsoran.

Sigon pa ni Alcontin usa sa nakatampo niini ang grabeng basura ug sagad sa mga drainage sa siyudad dili na kasugakod sa kakusog sa bul-og sa tubig.

Subli nilang i-rekomendar pagbalik sa Department of Engineering and Public Works(DEPW) nga mohimo og inventory sa mga drainage sa siyudad.

Kini tungod kay ang ubang drainage niini dili na haom sa gidaghanon sa tubig gikan sa uwan. Nasayran nga daghan sa mga kanal sa Cebu City ang gagmay gihapon kaayo ug napuno na sa lapok ug basura, apan hangtud karon wala gihapon padak-i.

“Gabie kita gyud mi ilabi na sa Kinalumsan grabe kaayo ang bul-og sa garbage, usa sa amoang medyo nagproblema mi because when we conduct search and rescue among rope nga molutaw sa sapa mobug-at na kaayo tungod sa garbage masangit siya. I think usa ni sa atoang information education campaign properly lang gyud ilabay ang garbage kay atong mga drainage nakit-an nako gabie na overwhelm gyud…Nakit-an nako gabie mao nay usa sa siguro i-recommend namo sa DRRM council together with the Chariman Atty. Gerry Carillo nga mag-conduct og drainage inventory unya kung unsa toy kulang mao toy ilang i-rehabilitate o i-update,” ni Alcontin pa.

Giklaro sab ni Alcontin nga wala’y nakalas sa pagbunok sa kusog nga uwan ug pagbaha sa siyudad.

Kadtong managtiayon nga naanod sa Kinalumsan River sa Barangay Mambaling naluwas human ang asawa nakakupot sa riprap ug ang bana na-rescue sa South Road Properties (SRP) Torre.

“So far naa tay gamay lang nga murag injury tungod atong naanod pero wala tay reported fatality until this morning (gahapon) sa atong command control center nga maingon ta nga cause by the heavy rain, unya naa lang tay evacuation sa certain areas sa south, diri sa north wala kay ta, naay reported collapsed structure pero dili kaayo ingon ta naay naigo nga balay o mga tawo,” pagklaro ni Alcontin.

Sa laing bahin, gatosan ka pamilya sa Mandaue City ang gipabakwit gikan sa ilang mga pinuy-anan nunot sa pagsaka sa tubig baha nianang mga adlawa.

Sumala pa nga ang maong.mga pamilya nga gipahiluna karon sa mga publikong tulunghaan sa Umapad Elementary School sa Barangay Umapad nga maoy gipabakwit ang 84 ka pamilya nga gilangkoban sa 400 ka individual, sa barangay Tabok National High School sa Barangay Tabok nga adunay 34 ka pamilya nga gipabakwit nga gilangkoban sa 105  ka tawo, sa  Ibabao Estancia Elementary  School sa Barangay Ibabao Estancia nga adunay gipabakwit ang 11 ka pamilya o gilangkoban 38 ka tawo.

Naglakip sa gihatag.nga hinabang sa kagamhanan nga naglakip sa mga disaster kits ug mga ready to eat nga mga pagkaon. — /IBM (BANAT NEWS)

BARANGAY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user