^

Banat Balita

Pangandam kun dunay daghang casualty gihimo

Decemay P. Padilla - Banat

CEBU, Philippines — Ang Department of Health Central Visayas pinaagi sa Health Emergency Management Services (HEMS) nagpahigayon og simulated casualty management exercise subay na sab sa pakig-alayon sa Civil Defense Central Visayas, Cebu City Government ug ubang ahensiya sa gobyerno kagahapon sa buntag sa Cebu City Sports Center.  Gisugdan ang kalihukan alas 8:30 sa buntag ug natapos kini sulod sa duha ka oras diin makita ang kapaspas sa pag-responde kun pananglitan dunay mga panghitabo sama sa pagpamomba o kaha mga emerhensiya.

Sigon ni Patrick Liporada, Senior Health Program Office sa Health Emergency Management Services nakuha ra nila ilahang target response time nga 15 minutes human sa unang pagbuto.

“Basically nabuhat raman sad sa atoang EOD, atong PNP, sa atong BFP nga ma-clear ang area unya anga atoang mga responders naka-respond ra pud dayon”, sigon ni Liporada.

Ang hepe sa Police Station 2 Police Major Nolan Tagsip mihulagway tumong sa simulation exercise nga mahibaw-an kun unsay buhaton kun dunay mga panghitabo sama sa pagpamomba. Dugang ni Tagsip laing tumong niini nga mahimong mabinantayon ang katawhan ilabi na kun dunay dagkong mga kalihukan o tapok sa mga tawo nga kun dunay unattended nga baggage ug dili sigurado unsay sulod dili magpataka og kupot kay basin og mokalit lang kini og buto.

“One purpose of this is to encourage the public para i-inform sila unsa ang ilang buhaton kung naay mga ingon ani nga mga scenario and we also encourage the public nga kung naay mga unattended baggage please do not do anything nga makadaot, please call immediately yung ating Philippine National Police para mo-responde,” ni Tagsip pa.

Human sa kalihukan dunay gihimong critiquing ug feed backing ang DOH-7 ug gipangutana ang mga kasinatian ingon man ang mga angayan pang palambuon sa mga ingon ani nga kalihukan. — /IBM (BANAT NEWS)

HEALTH EMERGENCY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user