^

Banat Balita

Suspek sa pagtulis ug pagpatay sa iyaan sikop

Romeo D. Marantal - Banat

CEBU, Philippines — Kanhi criminology student kinsa niunay og tulis ug nipatay sa iyang iyaan ug niangol ug lain pang tawo ang nasikop sa kapolisan sa Probinsiya sa Sugbo kagahapon sa hapon diha sa Barangay Lagtang, Dakbayan sa Talisay.

Ang suspetsado mao si James Harvey Nengasca 22, adunay kapuyo, walay trabaho ang nisibat human sa gihimo niining krimen.

Si Nengasca maoy suspek sa pagtulis ug pagpatay sa iyang iyaan ug niangol sa lain pang tawo niadtong Hunyo 26, 2022 diha sa Sitio San Juan, Purok 3, Barangay Bonbon, Lungsod sa Aloguinsan.

Matud ni Police Lieutenant Colonel Mark GifterSucalit, deputy provincial director for operation sa Cebu Police Provincial Office nga nakadawat og impormasyon ang kapolisan nga adunay armadong tawo sa maong barangay nga nihaom sa hulagway ni Nengasca.

Gilusad dayon ang operasyon uban sa kapolisan sa Talisay City Police Station ug kapolisan sa Aloguinsan Police Station.

Si Sucalit nagkanayon nga human mahimo sa suspetsado ang krimen nisibat kini diha sa Lungsod sa San Fernando ug nibalhin diha sa Lagtang.

Nasakmit gikan kang Nengasca ang kalibre .45 nga pistola nga adunay unom ka bala og usa ka gagmay nga putos sa shabu.

Si Nengasca nangayon nga sa wala pa mahitabo ang insidente nanghuwam siya og P5 mil sa iyang iyaan human siya napildi sa tigbakay apan wala siya pahuwama niini hinungdan nga naglagot siya ug iyaha kining gidunggab.

Nangangkon usab si Nengasca nga mogamitan siya og ginadiling drugas ug sa wala pa mahitabo ang krimen padong siya untang mosuyop og shabu.

Si Nengasca kasamtangan nga gibalhog diha sa detention cell sa CPPO samtang giandam pa ang kaso nga ipasaka batok kaniya. —BDB (BANATNEWS)

ARRESTED

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with