^

Banat Balita

Ordinansa alang sa pagtukod og GFPS aprobado na

Sanden J. Anadia - Banat

CEBU, Philippines — Giaprobahan na sa konseho sa Dakbayan sa Sugbo ang ordinansahon nga magtukod og Gender and Development Focal Point System (GFPS).

Si Konsehal Lea Japson maoy nangulo sa maong lakang ug gipadayag niya nga  importante kaayo ang  pag-institutionalize sa GAD Focal Point System sa siyudad aron palig-onon ang gender and development mechanism niini.

Ang  GFPS gitahasan sa pagsiguro ug pagpatunhay sa kritikal nga kahimtang sa local government unit sa pagsuporta sa gender and development , paghatag og gahum sa kababayen-an ug pagtubag sa mga gender issue.

Kinahanglan nga mahaom kini sa paghimo sa direksyon, adbokasiya, pagplano, pag-monitor ug pagtimbang-timbang ug teknikal nga tambag pinasubay sa GAD. Motabang usab kini sa pagporma sa bag-ong mga polisiya sama sa GAD code ug  pag-coordinate  sa lain-laing buhatan sa siyudad.

Siguradohon usab niini ang pag-update sa GAD data base aron magsilbing basehan sa pasundayag ug pagplano.

Ang GFPS naglangkub sa executive committee (EXECOM), technical working group (TWG) ug secretariat.

Lakip sa mga katungdanan ug responsibilidad sa EXECOM mao ang paghatag og tambag sa polisiya sa mayor aron suportahan ug palig-onon ang GFPS.

Ang TWG mopahigayon sa gender mainstreaming nga mga paningkamot sa LGU pinaagi sa pagplano o pagporma sa GAD Plan and Budget (GPB) sa dakbayan.

Ubos sa mga limitasyon nga gitakda sa balaod ang mga ordinansa ug uban pang administratibong mga isyu, ang mga miyembro sa EXECOM, TWG, ug ang secretariat adunay katungod sa pag-angkon og honoraria sa matag meeting nga actual nga gitambongan.

Isip usa ka special body ubos sa opisina sa mayor hatagan kini og pasiunang gahin nga P500 mil diin ang maong pundo kuhaon gikan sa Maintenance and Other Operating Expenses (MOOE) sa General Fund aron mabayran ang mga galastohan sa pagbiyahe, mga pagbansay-bansay, mga gamit sa opisina ug alang sa ubang mga kalihokan nga gikinahanglan sa pagtuman sa mandato sa City GFPS. —BDB  (BANATNEWS)

SUGBO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with