^

Banat Balita

Tulo ka sakop sa Salisi gang gikan sa Manila nasikop

Rowena D.Capistrano - Banat

CEBU, Philippines — Tulo ka sakop sa salisi gang nga gikan sa Manila ang nasikop human sila namiktima diha sa Taboan Public Market, Barangay San Nicolas Proper, Dakbayan sa Sugbo, niadtong Sabado  sa buntag.

Ang biktima mao si Maria Matara, 45-anyos, taga Barangay Basak Pardo, Dakbayan sa Sugbo.

Ang mga suspetsado mao sila si Mark Anthony Rosales, 31-anyos, minyo, Macmac Mendoza, 32, ulitawo ug Rovilyn Rosales, 40, dalaga, parehong mga taga BarangayTondo  sa Manila.

Usa ka concerned citizen ang nitaho sa kapolisan kabahin sa insidente sa salisi diha sa Taboan Public Market.  Ang kapolisan sa Sawang Calero Police Station pinangulohan ni Police Major Eraño Regidor ang daling niresponde sa maong hitabo.

Base sa imbestigasyon sa kapolisan nga gikuha sa mga suspetsado ang dul-an sa P400 mil nga kwarta sa biktima nga gibutang diha sa lamesa dayon biya diha sa lugar. Atol sa hot pursuit operation sa kapolisan unang nasikop si Mark Anthony ug nasunod pagkasikop ang duha ka mga kauban niini.

Ang kwarta sa biktima na-recover kini gikan nila kang Macmac ug Rovilyn.

Giingong adunay lain pa nga mga kauban ang mga suspetsado nga padayong gipangita sa kapolisan.

Si Police Lieutenant Colonel Wilbert Parilla, deputy director for administration sa Cebu City Police Office nibutyag nga ang maong grupo organisado ug gani adunay nakig-settle ngadto sa complainant kinsa gibayran ug giuli ang kwarta.

Sa laing bahin, duha ka suspetsadong pusher og shabu ang nadakpan atol sa managkalahing buy busy operation sa kapolisan sa Cebu Provincial Police Drug Enforcement Unit ug Compostela Police Station nga gipangulohan ni Police Lieutenant Andrew Rellanos.

Nadakpan diha sa Estaka, Lungsod sa Compostela sa niaging adlaw si Josephine Tuanzon, 40, taga Barangay San Nicolas, Siyudad sa Sugbo.

Nasakmit gikan kaniya ang mga paketeng shabu nga mokantidad tanan ngadto sa P100, 000.

Laing nadakpan diha sa Barangay Tayud, Lungsod sa Consolacion si Blas Navarro Marikit, 31, taga Barangay Bolinawan, Siyudad sa Carcar diin nasakmitan usab kini og mga pakete nga shabu nga nibalor usab ngadto sa P100,000.

Samtang si Police Lieutenant Colonel Randy Caballes, hepe sa Talisay City Police Station nihulagway nga usa ka maayo nga programa sa gobiyerno ang plea bargaining agreement aron sa paghatag og kahigayonan sa mga nadakpan kinsa nalambigit sa ilegal nga drugas nga magbag-o sa kinabuhi.

Gipasabot ni Caballes nga ang programa adunay parameters nga gihatag aron sa pag-avail sa plea bargaining. Romeo T. Limpangog, Gabriel C. Bonjoc/BDB (BANATNEWS)

ARRESTED

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user