^

Banat Balita

Gwardiya nga tulisan nasikop sa Talisay

Gabriel Bonjoc - Banat

CEBU, Philippines — Usa ka gwardya sa usa ka restaurant ang nadakpan tungod sa pagpanulis human siya nailhan tungod sa mga cctv cameras sa dapit kun diin siya nanulis niadtong Domingo sa hapon.

Ang gidakop mao si Edgar Sarsuella Ong, 38, taga Barangay Mohon sa Dakbayan sa Talisay.

Us aka  Cindy Camacho Ababon nga taga Santa Catalina, Barangay Bulacao maoy unang nabiktima nga nakuhaan og cellphone.

Wa magdugay usa sab ka Jenelyn Nuñez Repunte, 32, taga Barangay Tanke, Siyudad sa Naga ang sunod niyang gitulis ug gikuhaan sab og cellphone.

Ang mga biktima nidangop sa kapulisan ug sa hot pursuit operation nasubay ang mga footages sa mga cctv camera sa palibot ug namay-ongan ang suspek nga gwardiya sa usa ka restaurant.

Wa sab magdugay nadakpan si Ong ug nakuha gikan kaniya ang tulo ka cellphones, usa ka .38 nga revolver, itom nga helmet ug usa ka ka itom nga motorsiklo.

Si Police Lt. Col. Randy Caballes, hepe sa kapulisan nibutyag nga ilang nahibaw-an nga si Ong nadakpan niadtong tuig 2005 sa kasong murder.

Nagkanayon si Caballes nga modus sa suspek mao ang pagsakay og motorsiklo dayon manglabni, kadtong magmagahi iyang tionan og armas.

Laing biktima sab sa pagpanulis diha sa Brgy. San Roque sa maong siyudad pipila ka adlaw na ang nakalabay ang positibong miila kang Ong tungod sa sa iyang tattoo sa wala nga bukton.

Ang dinakpan gikatakdang pasakaan og kaso karong adlawa. IBM (BANATNEWS)

ARRESTED

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with