^

Banat Balita

Nigulgol sa liog sa negosyante nasikop na

Gabriel C. Bonjoc - Banat

CEBU, Philippines — Nasikop na sa kapolisan ang lalaki nga suspetsado sa pagtulis ug niloglog sa liog sa negosyante og utanon diha sa Purok Moringa, Sitio Cogon, Barangay Greenhills,  Lungsod sa San Fernando.

Si Larry Lantape Sabellano, 37-anyos, mangubkubay og bas nga nagpuyo sa maong lugar ang nadakpan niadtong Biyernes sa hapon.

Si Police Senior Master Sergeant Herbert Pananganan, imbestigador sa San Fernando Police Station nibutyag nga duha ka testigos ang ilang nakuptan karon kinsa nitudlo kang Sabellano nga maoy responsable sa krimen.

Sayo pa, gikataho nga si Diomedesa Lapera Gedaro, 67-anyos nakit-ang patay na diin ang liog niini adunay agi sa ginulgolan.

Ang anak sa biktima nibutyag nga sayo nga nilakaw ang iyang inahan niadtong Huwebes dala ang P11mil nga kwarta aron mobayad sa kuryente, lending ug mangompra.

Matud ni Pananganan nga ang usa sa ilang testigo maoy nakakita nga si Sabellano gikan sa crime scene samtang ang usa nakakita sa kwarta nga gikan sa suspek nga nagkadugo.

Nasayran nga ang suspek utangan sa usa sa mga testigos ug gipaningil kini ug ang gibayad nga kwarta nagkadugo.

Base sa imbestigasyon sa kapolisan nga ang suspek buot mangutang sa biktima apan gibalibaran kini.

Si Saballeno nabilanggo na kaniadto diha sa Cebu City Jail ug naila usab kini nga yawyawan sa ilang dapit kong dili pautangon og kwarta.

Kasong robbery with homicide ang kasong ipasaka sa kapolisan sa San Fernando batok sa suspetsado. BDB (BANATNEWS)

THIEF ARRESTED

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with