^

Banat Balita

Usa ka patay’ng lawas nga gituohang gi-salvage napalgan

Gabriel C. Bonjoc - Banat

CEBU, Philippines — Usa ka patay’ng lawas sa wala mailhing lalaki nga gituohang gi-salvage ang napalgan kagahapon sa kadlawon diha sa bakanteng luna sa Paseo Begonia, Purok 7 Barangay Sacsac, Lungsod sa Consolacion.

Ang maong patay’ng lawas sa lalaki gigapos ang mga kamot niini, gibaatan og duck tape ang nawong ug baba adunay mga samad pinusilan sa iyang agtang ug buko-buko.

Gituohan nga ang maong biktima patay na kining gilabay diha sa nahisgutang lugar.

Si Police Major Jude Cebrero sa Consolacion Police Station nagkanayon nga ang patay’ng lawas nga napalgan aduna kini mga patik sa nagkalainlaing pangalan sa tawo ug ngalan sa gang ug ang t-shirt nga gisul-ob niini adunay pangalan sa fraternity.

Kasamtangang gipahiluna diha sa usa ka punerarya sa maong lungsod ang maong patay’ng lawas.

Ang kapolisan sa lungsod nagpahigayon kini og imbestigasyon sa pag-ila sa biktima ug hinungdan sa pagpatay niini ug pag-ila sa mga kriminal. (Romeo T. Limpangog/BDB)

Kapolisan sa Talisay magdala og bunal aron gamiton og sukod

Ang kapolisan sa Dakbayan sa Talisay gawas sa ilang mga armas nga giloklok sa hawak makita na usab kini nga magbitbit na og bunal.

Kini gumikan sa pagbalik sa siyudad sa alert level 2 sa estado sa kwarantinas.

Si Police Lieutenent Colonel Randy Caballes, hepe sa kapolisan sa siyudad nagkanayon nga mao kini ang ilang gibuhat kaniadto dihang taas pa ang kaso sa COVID-19.

Gipasabot ni Caballes nga dili mamunal ang mga polis apan ang ilang bitbit nga bunal mao kini gamiton aron sa pagsukod sa distansiya sa matag tawo aron mapatuman ang physical distancing.

Si Caballes motigom sa iyang mga sakop matag buntag aron kini mapahinumdoman sa ilang responsibilidad diha sa ilang area of responsibility.

Matud ni Caballes nga ang physical distancing labing epektibo aron kalikayan ang pagtinakdanay sa virus.

Lakip nga suroyon sa kapolisan ang bukirang barangay aron di mokompiyansa ang mga tawo. BDB (BANATNEWS)

CONSOLACION

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with