^

Banat Balita

Duha ka suspetsado sa bomb threat nailhan na

Sanden J. Anadia, Rowena D. Capistrano, Iris Hazel M. Mascardo - Banat
Duha ka suspetsado sa bomb threat nailhan na
File photo shows an improvised explosive device.
Philstar.com/File photo

CEBU, Philippines — Nailhan na sa kapolisan ang mga suspek nga nagpaluyo sa bomb threat diha sa Qimonda Building niadtong Marso 9, 2022 ug gipasakaan na kini og kaso. Si Lieutenant Colonel Maria Theresa Macatangay, information officer sa Cebu City Police Office nagkanayon nga ilaha nang giila ang duha ka suspetsado.

Matud ni Macatangay nga ang mga suspetsado nailhan pinaagi sa imbestigasyon sa Regional Anti-Cybercrime Unit ug sila usab ang nipasakaog kaso batok sa mga suspetsado.

Si Macatangay nagkanayon nga usa kini ka higpit nga pasidaan ug usa ka pahinumdom sa mga nagpasiugda og mga hulga nga sa kataposan masubay sa mga otoridad ang gigikanan sa mga hulga ug tukma nga kaso ang ipasaka.

Apan dili pa matumbok sa kapolisan nga ang mga suspetsado nga naghimo og bomb threat sa Quimonda Building mao usab ang naghimo og pagpanghulga sa pagpamomba diha sa laing tulo ka lugar sa Dakbayan sa Sugbo niadtong Huwebes.

Giingong ang tumong sa mga suspetsado nga nihimo og bomb threat diha sa Quimonda Building mao lang ang pag-eskandalo ug paggama og kagubot.

Matud sa kapolisan nga usa lang ka pangilad ang nahitabong hulga sa pagpamomba ngadto sa upat ka establisamento sa Dakbayan sa Sugbo niadtong Huwebes diin nakahatag kini og kahasol sa mga tawo.

Ang gihulga nga bombahan mao ang CCLEX, Quimonda Building, Carbon Market ug Cebu City Hall.

Ang maong hulga sa pagpamomba pinaagi kini sa mensahe ug napasa-pasa sa group chat ug nikatap dayon kini.

Samtang si Konsehal Philip Zafra nagkanayon nga kinahanglang masakpan ug matingkagol sa prisohan ang mga responsible sa bomb threat diha sa mga lugar sa siyudad.

Gihangyo ni Zafra ang kapolisan alang sa lapad nga pagsusi sa maong hitabo aron masakpan dayon  ang mga nagpakatap sa maong taho.

Giawhag ni Zafra ang mga tawo nga kon ugaling makadawat og mensahe nga naghatag og hulga sa katawhan dili dayon kini ipakatap aron dili makahulma og kalisang ug ang unang buhaton mao ang pag-report niini sa kapolisan aron ma-verify kini. Si Acting Mayor Donaldo Hontiveros nibutyag nga adunay lapad nga komunikasyon ang kagamhanan sa Siyudad sa Sugbo ug kapolisan.

Gipaniguro sa kapolisan ug siyudad ang kaluwasan sa katawhan. — (/BDB) (BANAT NEWS)

BOMB THREAT

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with