Usa pa ang nakaduso og SOCE sa Cebu City

CEBU, Philippines — Usa pa lang sa mga nikandidato pagkakonsehal sa Dakbayan sa Sugbo sa nilabay’ng eleksiyon ang nakaduso og Statement of Contribution and Expenditures (SOCE).

Nasayran nga ang maong kandidato naparot kini sa nilabay’ng eleksiyon.

Kini ang gitug-an ni Cebu City South District Election Officer Marilou Paredes.

Matud ni Paredes nga padayon nilang gipahinumduman ang tanang mga kandidato sa nakalabay nga eleksiyon nga moduso sa ilang SOCE. Si Paredes nagkanayon nga bisan og kutob pa sa Hunyo 8, 2022 ang deadline sa pagsumitir og SOCE mas maayo nga mosumiter sila og sayo aron makakuha sila sa gikinahanglan nga clearance aron molingkod sa katungdanan kadtong mga nakadaog.

Giawhag usab sa Comelec ang mga napilde nga mosumiter usab sa ilang SOCE. — (/BDB) (BANAT NEWS)