CEBU, Philippines — Ang Department of Interior and Local Government Cebu City aduna na kini bag-ong direktor diin niadtong Huwebes gipahigayon ang turnover ceremony.
Si Atty. Ian Kenneth Lucero, outgoing DILG director ni-turnover sa “symbolic key of responsibility” ngadto sa Dr. Neila Aquino kinsa maoy incoming officer-in-charge sa DILG.
Si direktor Leocadio Trovela sa DILG-7, direktor sa Lapu-Lapu City Jonah Pino, LGMED chief Celerino Magto Jr. ug personnel sa DILG Cebu Province, DILG Regional Office ug DILG Cebu City ang nitambong sa maong kalihokan.
Si Lucero madestino kini sa DILG Cebu Province diin pulihan niini ang iyang asawa nga si Jhoaden Lecuro kinsa mao na karon ang assistant regional director sa DILG Bicol Region.
Si Lucero nipasalamat kini sa pagsalig ug suporta kaniya sa DILG Cebu City.
Si Trovela sa iyang bahin, nanghinaot kini nga ang DILG Cebu City mohatag og samang suporta kang Aquino. — /BDB (BANAT NEWS)