^

Banat Balita

DepEd nakig-alayon sa Cebu City pagpaayo sa mga eskwelahan

Decemay P. Padilla - Banat

CEBU, Philippines — Hangtud karon aduna pay mga pampublikong tunghaan sa Siyudad sa Sugbo ang wala pa maayo human nangaguba tungod sa bagyong Odette.

Nasayran nga ang Department of Education (DepEd) Cebu City Division nakig-alayon sa kagamhanan sa Siyudad sa Sugbo aron matabangan sila sa pagpaayo sa mga tunghaan nga nangaguba.

Si Cebu City Mayor Michael Rama nanghinaot kini nga tabangan siya ni Vice Mayor Donaldo “Dondon” Hontiveros kinsa maoy chairman sa committee on education sa konseho sa siyudad aron pagpangita og pamaagi sa pagsulbad maong problema.

Si Rama nagkanayon nga makig-alayon siya sa mga pribadong sektor aron makatabang sa pagpaayo sa mga tunghaan nga nangaguba.

“I’ll be calling him and bring him to preside to bring private sectors and even the Chamber of Commerce para augmented atoang funds sa City Hall og naa ba; ikaduha mangita ta og kwarta sa DepEd National og naa sad then put all this together and bring the program called Adopt a School”, matud ni Rama.

Nanghinaot si Rama nga ang mga pribadong sektor motabang sa DepEd ug dili na magpaabot nga sila hangyuon.

“Mao bitaw nang tinabangay but kinahanglan naay avenue unya kanang avenue will have to be tan-awon nako karon nga supportive wala paman gud ma-clear we will have our meeting tomorrow (karon) for purposes of discussing many things including committees”, padayag ni Rama. Nasayran nga ang Local School Board nitabang usab sa DepEd sa pag-ayo sa mga tunghaan apan dili maato tanan tungod kay kuwang usab sila og tawo. —BDB (BANATNEWS)

DEPED

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with