^

Banat Balita

Koordinasyon himoon una pabalhinon ang mga vendors

Sanden J. Anadia - Banat

CEBU, Philippines — Gipaneguro sa kagamhanan sa siyudad sa Sugbo nga dili masagolan og politika sa higayon nga pabalhinon na ang pipila ka vendors sa  Freedom Park ug Warwick Barracks  ngadto sa  Carbon interim market.

Suma pa ni Market Administrator Racquel Arce nga ipasubay gyud ang sakto ingon man pasabton ang mga vendors kalabot sa modernisasyon sa merkado.

Kahinumdoman nga sa wala pa ang piniliay gikatahong dunay mga politiko ang niapil sa isyu.

“Sa atong nakita sauna, medyo init kaayo sila sa politics. Wala nalang sa nato gi-push ang issue. Bisan pa og ingon ta nga naa na nato ang momentum, wala ta mo take advantage.

Ato gyod silang storyaan, pasabton sa proyekto,” matud pa ni Arce.

Gitataw ni Arce nga wala pa'y skedyul alang sa padayon nga pagpabalhin sa vendors sa temporaryo nila nga area. Dunay mga vendors ang gikatahong nagdumili gyud kaniadto sa pagbalhin sa interim market.

Kahinumduman nga sa nilabay nga mga buwan dunay komosyon human gibutangan og railings ang pipila ka area sa vendors.

Samtang si Rama sa iyang bahin, miingon nga mohimo gyud siya og lapad nga koordinasyon sa pipila ka stakeholders sama sa opisyales sa Barangay Ermita, kapulisan, Megawide Construction Corp. ug uban pa.

Gitataw sa mayor nga usa siya ka abogado busa normal lang gyud nga mosubay siya sa saktong lakang ug magpaabag usab siya sa iyang legal consultant nga si Atty. Collin Rosell.

Kahinumduman nga nagpinirmahay og Joint Venture Agreement (JVA) niadtong  2021 ang Megawide ug ang Kagamhanan sa Siyudad sa Sugbo  alang sa   multibillion project nga modernisasyon sa merkado.

Sa laing bahin, padayon usab nga nihimo og mga programa ang Market Operations Division alang sa pag-agni sa katawhan nga mangumpra sa gipamaligya diha sa Carbon Market. —MEL (BANATNEWS)

SUGBO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with