^

Banat Balita

Sweldo sa niserbisyo sa eleksiyon sa Talisay gihatag na

Decemay P. Padilla - Banat

CEBU, Philippines — Gihatag na sa Commission on Election sa Dakbayan sa Talisay ang sweldo sa mga niserbisyo niadtong Mayo 9, 2022 national ug local elections.

Gibahin sa maong buhatan ang pagpanghatag diin lima ka barangay sa buntag ug lima usab ka barangay sa hapon.

Si Josef Buac, election assistant nagkanayon nga nakahimo sila sa pagpanghatag human nga nakasumite na sila sa election returns ug uban pa nga report diha sa Provincial Comelec ug lahos na ngadto sa kaulohan.

Matud ni Buac nga mogahin sila og duha ka adlaw sa pagpanghatag sa honorarium sa mga niserbisyo sa piniliay diin ilaha kining gipahigayon diha  sa peoples hall sa Talisay City Hall.

Mokabat ngadto sa 1,800 ang mahatagan sa ilang sweldo apan karon ang giuna sa paghatag kadtong 606 ka electoral board.

Gihulagway sa mga magtutudlo nga mas paspas karon ang pangpanghatag sa ilang sweldo ikompara sa nilabay nga piniliay. Sa laing bahin, nanghinaot si Dr. Rhea Mar Angtud, Department of Education Cebu City School’s Division Superintendent nga madayon ang plano nga umento ang allowances sa mga magtutudlo nga niserbisyo sa nilabay’ng eleksiyon.

Gikataho nga P3,000 ang gihugon-hugon nga umento sa allowances ug matud ni Angtud nga usa kini ka welcome development alang sa mga magtutudlo.          

Nasayran nga kapin 4,000 ka magtutudlo sa Siyudad sa Sugbo ang niserbisyo sa nilabay nga piniliay ang makadawat og P5,000 matag usa.

Sayo pa, ang Comelec Cebu City nibutyag nga giandam na nila ang payroll alang sa allowances sa mga magtutudlo nga niserbisyo ug gilaoman nga madawat niining buwana. Gabriel C. Bonjoc/BDB (BANATNEWS)

SALARY

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with