^

Banat Balita

DepEd-7 mosusi sa pasangil batok sa mga magtutudlo sa Cordova

Rowena D. Capistrano - Banat
DepEd-7 mosusi sa pasangil batok sa mga magtutudlo sa Cordova
Si Comelec director Jerome Brillantes namahayag nga mahimong modangop sa korte ang kandidatong dunay reklamo bahin sa resulta sa nakalabay nga piniliay niadtong Mayo 9,2022. Apan sa Cordova, wala siyay nakitang basihan aron magpahigayon og special elections.
Le Phyllis Antojado

CEBU, Philippines — Ang Department of Education Regional Office Central Visayas mopahigayon og pakisusi bahin sa pasangil nga dunay pipila ka mga magtutudlo sa lungsod sa Cordova ang giingong nalambigit sa nahitabong pagpanikas sa nilabay nga eleksyon niadtong Mayo 9,2022.

Matud pa ni DepEd-7 Director Salustiano Jimenez, wala pa makaabot sa iyang buhatan ang giingong reklamo nga naglambigit sa pipila ka mga magtutudlo sa lungsod sa Cordova sa giingong irregularidad sa nakalabay nga eleksyon.

Unang mipasangil ang kampo sa naparot nga kandidato nga si Mayor Mary Therese Sitoy-Cho nga dunay lapad nga iregularidad nga gihimo sa Comelec ug pipila ka mga magtutudlo.

Sumala pa ni Jimenez, ilang susihon ang maong pasangil ug lakip  usab tan-awon ang ebidensya nga iduso ug paminawon usab ang habig sa mga magtutudlo aron adunay due process.

Ang opisyal sa DepEd nitug-an nga nisakripisyo sa nakalabay nga eleksyon ang mga magtutudlo ug dili na sab bag-o ang mga susama niini nga pasangil ug mabuthan apil ang mga magtutudlo.

Gipaneguro sa opisyal nga patas ang himoon nga imbestigasyon kung ugaling adunay makaabot ang reklamo diha sa ilang buhatan bisan pa man responsibilidad sa DepEd nga mapanalipdan ang ilang mga sakop.

Ang kampo ni Sitoy-Cho niawhag nga magpahigayon og special election tungod sa nahitabo.

Apan si Comelec regional director Jerome Brillantes miingon nga wala silay nadawat nga mga report bahin sa mga reklamo, wala sab silay nakitang basihan aron maghimo og special elections sa maong lungsod.

Kun duna may planong moprotesta ang mayor, mahimo niya kining buhaton ngadto sa korte.— IBM (BANATNEWS)

DEPED

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with