^

Banat Balita

13 tunghaan sa Cebu City nag face-to-face classes na

Decemay P. Padilla - Banat

CEBU, Philippines — Nagsugod niadtong adlaw’ng Lunes, Mayo 17 ang 13 ka tunghaan sa siyudad sa Sugbo sa ilahang limited face-to-face classes, usa kini sa pagpangandam nga gihimo sa Department of Education Cebu City Division sa pagahimoon na gyud unya nga face-to-face classes.

Sigon ni Bernadette Susvilla, Assistant School’s Division Superintendent nga ang 13 ka tunghaan nga nagsugod sa limite face-to-face classes mao ang Sinsin Elementary School, Sinsin National Highschool, Bitlang Integrated School, Mangabon Elementary School, Lusaran National Highschool, Cantipla Integrated School, Tabunan Integrated School, DEOSIS, Pamutan Integrated School, Tagba-o National Highschool, Sibugay Integrated School, Taptap Integrated School ug Adlaon Integrated School.

Tulo ka elementary schools, upat ka junior high schools ug unom ka senior high schools.

Gipasabot ni Susvilla nga giuna nila ang 13 ka tunghaan kay nahimutang sila sa layo nga lugar, plano unta nila nga niadtong buwan sa Marso kini sugdan apan tungod sa bagyong Odette maong gisibog kini ug sa miasing semana lang sab nila nakuha ang ilahang safety seal sa DepEd Regional Office.

Nasayran nga limitado ang mga tinun-an nga apil sa limited face-to-face classes tungod kay gihatagan gyud nila og prayoridad kadtong mga bakunado nga mga bata.

Si Dr. Rhea Mar Angtud, DepEd Cebu City School’s Division Superintendent mipasabot nipahigayon sila og limited face-to-face classes kay aron masuta ang mga problema nga posibleng motumaw kun hingpit na sila mopatuman sa face-to-face classes.

Molanat sa duha ka ka semana ang pagpahigayon niini kun mokuha na ang data nga gikinahanglan, apan si Angtud miingon pwede kini ma-extend hangtod mahuman ang school year sa Hunyo 7, 2022.

Giklaro sab niAngtud nga padayon ang ilahang modular, offline ug online mode sa klase ug dunay face-to-face apan limitado lang.

Nasuta nga mga tinun-an ug magtutudlo nga bakunado lang ang makaapil sa limited face-to-face classes. Napili ang 13 ka tunghaan tungod kay pasado sila sa qualification nga dapat wala’y COVID cases sa ilang Barangay o kaha silingan nga Barangay sa milabay nga duha ka buwan.

Karong Mayo 30 gipaabot nga laing 37 ka tunghaan sa downtown Cebu City ang gikatakda nga magsugod na sab sa limited face-to-face classes.— IBM (BANATNEWS)

FACE-TO-FACE CLASS

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with