Dugang fire sub-station gitinguhang tukoron sa Talisay

CEBU, Philippines — Gitinguha sa bag-ong nilingkod nga hepe sa kabomberohan sa Dakbayan sa Talisay nga mapun-an ang mga fire sub-station sa siyudad.

Si Senior Inspector Alvin Torion nihatag sa iyang panahom ngadto kang Mayor Gerald Anthony “Samsam” Gullas Jr. aron mas mapadali pa ang ilang pagresponde kong adunay motumaw nga panghitabo.

Sa pagkakaron, ang siyudad aduna kini duha ka fire sub-station nga nahimutang sa Barangay Poblacion ug Tabunok.

Matud ni Gullas nga usa kini sa iyang tutokan diin pangitaan nila kini og paagi aron matuman ang maong proyekto.

Niadtong Huwebes, gisubhan sa kagamhanan sa siyudad ang bag-ong fire truck nga ilang nadawat gikan sa Department of Interior and Local Government (DILG) ug sa Bureau of Fire Protection (BFP) sa Central Office sa Manila.

“Dako akong pasalamat ni Senior Inspector Alvin Torion, our BFP Talisay chief for constantly helping us sa pag-fast track sa atong request”, dugang ni Gullas. BDB (BANATNEWS)