^

Banat Balita

Tumulak mobalik panibya, andam motabang sa siyudad

Sanden J. Anadia - Banat

CEBU, Philippines — Gitataw ni Konsehal David “Dave Tumulak” nga andam ra gihapon siya motabang sa nagkadaiyang programa sa Siyudad sa Sugbo nga pagapasiugdahan ni Mayor Michael Rama.

Kini kun hangyoon gihapon siya sa mayor  alang sa iyang serbisyo.  Matud pa niya nga  bisan pa man nga wala siya palari sa pagdagan niya pagka-mayor  , magpabilin siya nga motabang sa katawhan sa iyang personal nga kapasidad ug posible usab nga mobalik na siya sa pagpanibya.

Gipasigarbo ni Tumulak nga bisan independente ang iyang pagdagan , nakaangkon gihapon siya og 141,225 botos , kini bisan wala siyay makinarya  ug pulos ra gyud volunteers ang nagtabang kaniya.

Wa say problema si Tumulak sa panawagan ni Rama nga panag-uliay sa maayong buot sa mga nagkaatbang sa politika karong nahuman na ang eleksyon.

Si Tumulak naa na sa kataposang termino pagka-konsehal.

Kahinumdoman nga usa si Tumulak sa aktibo nga nitabang sa kampanya sa pagpamakuna batok sa COVID19 kun diin gitahasan siya kaniadto sa pagpangita og vaccination sites.

Sa  mga nanglabay nga mga piniliay , nahimong kabahin si Tumulak  sa Band Osmeña Pundok Kauswagan (BOPK) ug Partido BARUG nga maoy init  nga mag-atbang sa bag-ohay lang nga eleksyon.

Tungod kay nasuwayan na niya ang maong mga partido , nagpakita kini nga makatrabaho ra gyud niya ang bisan kinsa nga opisyal. Nagpasalamat si Tumulak sa tanan niya nga supporters ug iyang gipasalig nga dili gyud mahupas ang iyang abilidad sa pagtaban sa katawhan.— IBM (BANATNEWS)

MICHAEL RAMA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with