87.48%  ang voter’s turnout sa Probinsiya sa Sugbo

CEBU, Philippines — Niabot ngadto sa 2,021,310 ang actual nga nibotar sa nilabay’ng Mayo 9, 2022 nga piniliay base sa datos sa Comelec Cebu Province.  Nagpasabot kini nga 87.48 porsyento ang voter’s turnout sa tibuok lalawigan gikan sa 2,310,339 ka registered voters lukop probinsiya.

Matud sa Comelec nga adunay 98, 257 ka balota ang wala dawata sa vote counting machines.  Pipila sa mga hinungdan nga dili dawaton sa VCM ang balota tungod kay nag-over vote.

Samtang 33 ka ballot boxes ang gikatakda nga ipadala sa Comelec Manila gikan sa Sugbo alang sa Random Manual Audit (RMA).

Ang 33 ka ballot boxes gikan kini sa 33 ka clustered precincts diin matag usa ka ballot box gibana-bana nga moabot ngadto sa 800 ka balota ang sulod diin pasabot niini, gibana-bana usab nga 26,000 ka balota ang ipaubos sa RMA.

“This is to answer the public doubt with regards sa atong automation. Atong ibangga ni kong unsa ka accurate our VCMs are in counting the votes” matud ni Atty. Jerome Brillantes, acting Cebu provincial election supervisor. —BDB (BANATNEWS)