Rama: wala motalikod og kauban sa partido
CEBU, Philippines — Giklaro ni Cebu City Mayor Michael Rama nga dili niya kinaiya nga motalikod og kauban sa partido. Ang maong katin awan gipadangat sa mayor human si konsehal Niña Mabatid mi post sa facebook nga nagpasalamat sa mga supporters nga wa mobiya kaniya bisan pa og gibiyaan siya sa iyang ka partido.
“I have said that all over again whatever will happen I’ve never been being in a situation having abandon, ako tingali ang na-abandon, ako tingali bisag nisulti ko mao ni buhaton, dili buhaton but abandon I never made a directive of abandonment”, suma pa ni Rama.
Si Mabatid nagpapili pagka kongresista sa Cebu City North District ubos sa Partido Barug PDP Laban apan wala kini modaug.
Gidugang ni Rama nga dili lalim ang mapildi ug kasabot siya sa ingon ani nga panghitabo kay siya sab nakasinati og kapildihan niadtong 2016 nga piniliay.
Si Rama sa iyahang mensahe human kini giproklamar isip mayor sa dakbayan miingon nga buot man niya nga ang tanang kauban sa grupo modaog sa piniliay apan ang katawhan ang nagbuot hinoon bisan paman niini iyang gipaneguro nga magpabilin silang kabahin sa Partido Barug.
“Sa wala palari akong ginganlan kaniadto naigo man sad ko ana naalakanse, you will always be a part of Partido Barug, always and you will have roles to play in the City Government for as long as you would wanted to, just be around in your private capacity”, ni Rama pa. —MEL (BANATNEWS)
- Latest
