Duha ka adlaw nga liquor ban ipatuman

CEBU, Philippines — Mga mahiligon sa inom o kadtong maghilak ang adlaw nga dili makainom , ang kapulisan nipahinumdum kanila may kalabutan sa liquor ban nga ipatuman tungod sa nagsingabot nga eleksyon sa Mayo 9,2022.

Si Police Lieutenant Colonel Maria Theresa Macatangay, ang tigpamaba sa Cebu City Police Office nga nakahinabi sa mga tigbalita miingon nga dunay resolusyon ang Commission on Elections nga sugod sa Mayo 8 ngadto

sa Mayo 9, 2022, gidili ang pagbaligya, pag-serve ug pag-inom ug ilimnon nga makahubog.

Mahimong dakpon ang si bisan kinsang makalapas niini. Sumala pa ni Macatangay ang maong malapason

makasohan ug mapriso og usa ka tuig ngadto sa unom ka tuig.

Si Macatangay, niawhag sa katawhan nga likayan lang usa ang pag-inom sulod sa maong mga adlaw. — Rowena D. Capistrano (BANAT NEWS)