^

Banat Balita

COMELEC: Cebu City dili maapil sa EWAs

Decemay Padilla - Banat

CEBU, Philippines — Bisan og wala midagan sa umaabot nga May 9, 2022 National ug Local Elections si Konsehal Eugenio Gabuya Jr. apan nakadawat gihapon kini og hulga sa kinabuhi.

Matud sa konsehal gipahibalo siya kagahapon sa buntag  nga dunay gisuwat diha sa iyahang panimalay sa Cogon-Pardo nga “Kill Jun.” Matud pa niya duna say nagpasalba og armas nga mga lalaking nagmotor ug naglabay og botelya. Si Gabuya naa na sa iyahang katapusang termino ug miyembro kini sa Bando Osmeña Pundok Kauswagan(BOPK). Apan nagtuo siya nga politically motivated gihapon kini.

“It’s very obvious og imong tan-awon usa gyud na sa buhat nga pagpanghadlok, usa na sa buhat nga aron i-suppress ang kagawasan sa pagbotar sa mga kandidato nga limpyo, ligdong ug angayan sa katungdanan,” sigon ni Gabuya.

Si COMELEC Cebu City South District Election Officer Marilou Paredes miingon nga ang Cebu City wala maapil  sa Election Watchlist Areas.

“Kaning May 9, 2022 this is for our future of our children so they must vote wisely for the candidates to observe og unsa gyuy kinahanglan buhaton on election day, no campaigning, no wearing of campaign t-shirts nga naa gyud ilahang ngalan and then they must not roam around and campaign kay bawal man gyud na siya kay ang atong campaign period will end on Saturday,” matud ni Paredes.

Magpabilin sa kasamtangang sitwasyon ang siyudad bisan  sa nahitabong pagpamusil kang Police Lieutenant Colonel Chuck Barandog ug asawa niini nga si STL First Nominee ug kanhi Calamba Barangay Captain Yvonne Cania-Barandog. Sumala pa ni Paredes, magpaabot pa sila sa rekomendasyon sa kapulisan kay sila man ang nasayod may kalabutan sa seguridad ug sa imbestigasyon sa maong hitabo.

Apan si Police Lieutenant Colonel Maria Theresa Macatangay, tigpamaba sa Cebu City Police Office, nitug-an nga dili sila morekomendar nga ipaubos sa area of concern ang dakbayan tungod kay malinawon ra man ug walay angay kahadlokan.

Si Macatangay, nitug-an nga kung adunay mga politiko nga makadawat ug mga hulga mas maayong motaho sa kapulisan aron ilang masusi. — Rowena D. Capistrano/IBM (BANATNEWS)

COMELEC

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with