Ejercito ug Paquiao subling moapelar sa mga Sugboanon

CEBU, Philippines — Gipadayag ni kanhi senator JV Ejercito ang iyang plano kong mahatagan siya og mandato isip senador sa nasud atol sa iyang pagbisita sa Sugbo aron subling himamaton ang mga Sugbuanon.

Matud ni Ejercito nga nipaelar siya sa mga Sugboanon ilabi na kadtong mga wala pa makapili sa ilang senador nga hatagan siya og kahigayon nga makaserbisyo tungod kay iyang humanon ang universal health care law,

Gawas niini, nagplano usab si Ejerto kalabot sa bill sa comprehensive master plan for infrastructure development in transport communication diin bisan kinsa ang molingkod nga presidente magpadayon ang maong proyekto.

Si Ejercito nagkanayon nga kinahanglan usab sa Cebu nga paspasan ang mass transit tungod kay nagka grabe na usab ang problema sa trapiko.

Naglaom si Ejercito nga pabor ang mga leader sa Sugbo nga panahon na nga kinahanglan na gayud ang mass transport, tungod kay man angay nga pun-an ang mga sakyanan tungod kay mao ra mab gihapon ang dalan.

Gibutya ni Ejercito nga hinay-hinay nga wagtangon ang mga karaan nga sakyanan gumikan kay dili kini madali-dali kong hulipan na kini ngadto sa modernization.

Samtang si presidential aspirant Senador Emmanuel ‘Manny” Pacquiao mobisita sa Sugbo sulod sa tulo ka adlaw nga magsugod ugma.

Kini ang gipahibalo kagahapon sa chairman sa PROMDI Mariano ‘Mimo” Osmeña.

Matud ni Osmeña nga tuyo ni Pacquiao nga makighimamat sa katawhan sa probinsiya aron makighinabi ug magpasalamat.

Gibutyag ni Osmeña nga ang buhaton ni Pacquiao mao ang susama ug pulong-pulong aron daghan siya’ng mahinabi nga katawhan.

Si Pacquiao gipaabot nga motapos sa iyang tulo ka adlaw nga kalihokan sa Cebu pinaagi sa usa ka rally nga ipahigayon sa Cebu City una pa kini mopauli ngadto sa iyang yutang natawhan sa General Santos City. BDB (BANATNEWS)