Mga Cordovahanon gipadala sa South Korea alang sa agrikultura
CEBU, Philippines — Dili momenus 90 ka Cordovahanon ang anaa karon sa South Korea alang sa Agricultural Exchange Program sa lungsod uban sa nasud sa South Korea.
Ang maong mga Seasonal Trainees hatagan og oportunidad nga makakat-on sa agrikultura sa maong nasud ug masinati ang kultura niini.
Tulo na ka batch ang napadala sa LGU sa Cordova didto sa Pyeong Chang County sa South Korea.
Unang nipadala og trainees ang Cordova niadtong Abril 24 karong tuiga gisundan sa laing batch niadtong Abril 28 ug ang ika-tulong batch kagahapong adlawa Abril 30, 2022.
“Ang maong programa napamatud-an na kaniadto pa nga makahatag og dakong tabang sa matag pamilya nga benepisyaryo niini tungod ang mga Cordovanhons makadawat og allowance nga dili mominus sa 50,000” sumala LGU sa Cordova pinaagi sa facebook page niini. MEL (BANATNEWS)
- Latest