^

Banat Balita

Mga kaso sa pagatake batok mediamen sa CV daghang wala pa mangasulbad

Iris Hazel Mascardo - Banat

CEBU, Philippines — Pipila ka mga kaso sa pagpatay ug suway pagpatay sa mga sakop sa media dinhi sa Central Visayas sukad tuig 2018 wala pa gihapon masulbad.

Sa gihimong update atol sa Presidential Task Force on Media Security forum kagahapon (Huwebes), ang Regional Investigation and Detective Management Division (RDMD) sa Central Visayas nihatag og update sa mga kaso nga nalambigit ang mga sakop sa media.

Ang maong buhatan dunay natala nga pito ka mga media personality nga gipatay ug giatake sukad niadtong 2018.

Ang pinakaulahing biktima mao ang blocktimer sa DYLA Radio nga si Rico Osmeña, kinsa gipusil sa duha ka wala mailhing mga mamuno niadtong Disyembre 16,2021 sud sa bus pasaheroan. Naluwas si Osmeña sa maong pagpamusil.

Samtang, ang kaso sa gipatay nga radio blocktimer ug komentarista nga si Reynante Cortes, 45, niadtong Hulyo 22,2021. Wala pa sab masulbad. Gituohang usa ka sniper ang mipatay sa biktima. Sa kaso sa pagpatay sa dili rehistradong announcer nga si Grabriel Alburo sa La Libertad Negros Oriental niadtong Disyembre 28,2018. Nailhan na ang mga mamumuno apan wala pa madakpi.

Hinuon, gipasakaan na og kaso ang usa ka suspek kinsa gipasanginlan sa pagpatay sa usa ka Disc Jockey nga si Rizalino Torralba, kinsa gipusil-patay diha sa Tagbilaran City Bohol.

Ang akusado nga si Andrew Fronteras, gipasakaan og kasong murder, boluntaryong mitahan sa mga awtoridad.

Ang mga kaso nga naglambigit sa mga biktima sakop sa media gihimoan og Special Task Group sa kapolisan aron matutokan ang imbestigasyon. Apan kasagaran naglisod sila pagtumbok sa mga mamumuno ug mga nagpaluyo sa pagpatay hangtud karon.

Atol sa forum gidasig sa PTFMS ang tanang media practitioners sa pagtaho sa bisan unsang matang sa hulga nga madawat, ilabi na karong panahon sa eleksyon. —IBM (BANATNEWS)

CRIME

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with