^

Banat Balita

Nitulis ug niabis sa dila sa taxi driver nadakpan

Gabriel Bonjoc - Banat

CEBU, Philippines — Usa sa mga gipasanginlang suspek sa pagtulis ug pagabis sa dila sa taxi drayber ang nadakpan diha sa Barangay Maguikay, Dakbayan sa Mandaue niadtong Miyerkules sa gabii. Ang grupo sa Talisay City Police, San Fernando Police ug sa Provincial Intelligence Unit nidakop ni Alex Rematado alyas Alexander, 30, lumad nga taga Katugasan, Perrelos, Dakbayan sa Carcar.

Una niini, ang biktima nga si Andres Alfanta, 52, taga barangay Cantao-an, Syudad sa Naga miila sa hulagway ni Rematado sa dihang gipakita siya sa rogues gallery sa kapulisan samtang kini gitambalan diha sa Cebu South Medical Center.

Matud pa ni Police Lt. Col. Randy Caballes, pangu sa Talisay City Police nga adunay warrant of arrest si Rematado sa kasong pagpusil patay didto sa probinsya Bohol ug kasong pagpanulis sa Dakbayan sa Carcar.

Ang iyang warrant of arrest maoy gibasehan sa pagdakop sa kapulisan ni Rematado. Nahibaw-an nga ang inahan ni Rematado taga San Fernando samtang ang iyang amahan taga Bohol.

Naabot si Alfanta sa buhatan sa kapulisan kagahapon ug niila sa dinakpan nga maoy nagtion kaniya og armas apan ang gipasanginlang kusganong mihimakak ug inosente siya sa pasangil.

Ang kapuyo niini nga si Jean Flores nihangyo nga di magpataka og tudlo ang biktima kay nasayod kining inosente ang iyang hinigugma. Mao sab kini ang depensa sa igsuon niining si Armando kinsa miingon nga nagtrabaho sa adlawan iyang igsuon ug natulog na sa dihang nahitabo ang pagpanulis.

Si Police Major Efren Diaz Jr., pangu sa San Fernando Police niingon nga kaso nga robbery ug serious physical injury ang ilang ipasang-at nga reklamo batok ni Rematado.— IBM (BANAT NEWS)

ARRESTED

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with